We Are the New Generation's Architects

Олон нийт, иргэний барилга /БНбД 31-03-03/

2010-03-11T00:58:00.000-08:00

BNbD 31-03-03

Дипломын ажил

2010-02-08T04:30:00.000-08:00

Энэ жилээс эхлэн дипломын ажилдаа ерөнхийдөө орж эхлэллээ.

Би дипломынхоо ажилыг дуурийн театр аар хийхээр сонгож авсан юмаа...

Та бүхэн надад Норм дүрм байвал олж өгч туслаач. Ном сэтгүүл юу ч яахав. Гадаадад энэ мэрэгжилээр суралцдаг хүмүүс байвал сургуулийнхаа багш нараасаа асуугаад өгөөч. Ном сэтгүүл зарагддаг бол худалдаж авна шүү!!!

Geaometry of Design

2009-11-09T10:56:00.000-08:00

Ямарваа нэг зүйлийг бүтээхэд харьцаа, модул гэх зүйл асар их нөлөөлдөг. Энэ зүйлс байснаар бүтээж байгаа зүйлс ч зөв тохиромжтой харагдана. Байгал дэр байгаа зүйлс хүртэл энэ зүйлсийг агуулж байдаг.

Хэрэг гаргаж үзээрэй...

Баярын мэнд!!! X/05

2009-10-05T04:09:00.000-07:00

10 сарын 5. Өнөөдөр олон улсын Архитекторуудын өдөр. Дэлхийн Архитекторууд энэ баярыг тохиолдуулан жил болгон шинэ уриа-тайгаар тэмдэглэдэг байна.

Энэ жилийн уриа нь:

Дэлхийн уур амьсгалийн өөрчлөлт ба архитекторуудыын хувь нэмэр сэдвийн дор баярлацгааж байна.

Бүр архитекторууддаа Олон улсын архитекторын баярын мэнд хүргэе!

Миний сонирходог хэв загвар...

2009-09-20T02:00:00.000-07:00

Нэгэнт л Архитетор гэдэг мэрэгжилийг сонгож авсны хувьд Архитектор хүнд байх зайлшгүй шаардлагатай нэг зүйл бол өөрийн гэсэн хэв загвар үзэл бодол юм. Энэ ч үүднээсээ өөрийн сонирходог хэв загварын зарим нэг бүтээлүүдийн зургийг тавьлаа. Налдатай адил сониохолтой хүмүүс ч байж магад...
Хүмүүсийн яридагаар ёотон. Тийм ч муухай хэлбэр биш шүү дээ!!! Олон уран бүтээлч нар л энэ хэлбэрийг хэрэглэдэг байх. Би сайн судалж үзээгүй л байналдаа... Тэгэхдээ саяхан манай оронд ирж Лекц тавьсан Японы архитектор Арима Хироюуки гуай энэ хэлбэрийг барьдаг мэт санагдсан.
- Таалагддаг зүйлс нь:

* Цулгай хавтгай хана
* Хурц хурц өнцөг
* Хананд гаргасан замбраагүй мэт проемууд | цонх, хананд гаргасан нүх |
* Том хэмжээний биеэ даасан цонхнууд
* Нэг талруугаа сунаж гарсан өрөө

Зурагнууд дээр дарж томруулан үзээрэй!

Тэвчээр гарган үзсэнд баярлалаа...

Сэтгэгдэл үлдээхээ мартваа!!!

Хятад улсын 10 гайхамшигт барилга байгууламж

2009-08-24T23:32:00.000-07:00

Хятад орон урьд ємнєхєєсєє тэс єєр танигдахгvй болтлоо єєрчлєгдєж байна. 2008 онд Бээжинд Олимпийн тоглолт болсон. Yvнийг угтан манай урьд хєрш Хятад гvрэн усаар халааж хєргєдєг чамин ур хийц бvхий театрын барилгаас авахуулаад содон загвар бvхий тэнгэр баганадсан барилга байгууламжуудыг барьж барилга архитектурын энэ цаг vеийн голомт болоод байгаа юм.

Хятадад єнєєдєр барилга хот байгуулалтын ажил ид буцлаж дэлхийн гангийн vйлдвэрлэлийн дийлэнхи хэсгийг ховх сорсон, хамгийн єргєн хvрээг хамарсан барилга архитектур, инженерийн шинэ vеийг бvтээн босгож байна. Эдгээр бvтээн байгуулалтаас 10 бишрэм байгууламжийн талаар сонирхоцгооё.

1. Бээжин дэхь коммун

Эхний ээлж нь 2002 онд ашиглалтад орсон бол єргєтгєл нь 2010 онд дуусахаар тєлєвлєгджээ.Эртний 7 гайхамшгийн нэг Цагаан хэрэмийн дэргэд эн зэрэгцэхгvй ч гайхамшиг хэмээн тvvнийг нэрийдсээр байгаа юм. Коммуны цогцолборт Азийн шилдэг 12 архитекторын бvтээсэн сууцууд/хаус/ багтжээ. Тус цогцолборыг vл хєдлєх хєрєнгийн худалдаачид болох эхнэр нєхєр Жан Син, Пан Ши-И нар архитектор бvрийн 1 сая ам.долларын тєсєвтэйгээр босгожээ. Кобегийн газар хєдлєлтєд нэрвэгдэгсдэд зориулан цаасан сууц зохион бvтээж алдаршсан Японы архитектор Шигерv Бан тавилгын сууцыг нь, Хятадын Юн Хо Чан сэнс мэт хэлбэр бvхий дамждаг сууц зэргийг нь бvтээсэн байна. Коммун нь Германы тансаг зэрэглэлийн зочид буудлын сvлжээ Kempinski-гийн нэг салбар болон ажиллаж байгаа аж.

2. Бээжин дэхь олон улсын нисэх буудал

2007 оны сvvлээр ашиглалтад орсон дэлхийд хамгийн томд тооцогдох тус нисэх онгоцны буудлын зураг тєслийг нь Foster & Partners компани хийсэн байна. 2008 оны Бээжингийн олимп гэхэд нисэх буудлын дамжин єнгєрvvлэх талбай нь 1 сая гаруй м.кв-т хvрэх бєгєєд ингэснээр Пентагоны талбайгаас илvv гарч байгаа ажээ.

Эхэндээ жилд 43 сая зорчигч хvлээн авах бол 2015 он гэхэд 55 сая зорчигч хvлээн авахаараа дэлхийн хамгийн ачаалал бvхий 10 нисэх буудлын нэгд багтах юм. Энэ бvх тоо баримтыг бодолцон Foster & Partners компани терминалын зай бага байх зэргээр зураг тєслийг нь хийж байгаа аж. Мєн нисэх буудлыг нэг том дээвэр дор багтаах ба єргєн уудам орон зайгаас єєрийн явах хэсгийг ялгаж харахад нь зорчигчдод туслахын тулд ханын дагуу шар, улаан гэрэл тусгаж єгсєн нь нямбай бєгєєд дэвшилтэт болж чадсаны зэрэгцээ орчны хяналтын систем нь нvvрстєрєгчийн ялгаралтыг бууруулж, зvvн ємнє хэсэгт байрлуулсан холын тусгалтай гэрлээр нарнаас ирэх дулааныг багасгаж, барилгыг сэрvvхэн байлгахаар хийсэн байна.

3. Шанхай дахь Дэлхийн санхvvгийн тєв

2008 онд дуусгахаар тєлєвлєсєн Шанхайн дэлхийн санхvvгийн тєв Пудун дахь Луй-зя-жуй хэмээх санхvvгийн дvvрэгт босч байна. Тансаг зэрэглэлийн 101 давхар барилга нь баригдаж дуусаад дэлхийн хамгийн єндєр барилга болох гэнэ. Барилгыг єндєр барьж байгаа учраас єндрийн салхийг тэсвэрлэхvйц бvтээцийг хийх нь хvндхэн сорилтын нэг болж байгаа аж. Харин архитекторууд барилгын оройд дєрвєлжин хєндий зайг гаргаж єгєх санаа сэдсэнээр салхины даралтыг бууруулах шийдлийг олсон байна. Энэ зай нь цамхагийн савалгааг багасгаад зогсохгvй, мєнхvv дэлхий дээрхи хамгийн єндєрт оршигч хот ажиглалтын талбар болох гэнэ.

4. Бээжин дэхь vндэсний бассейн /усан сан/

2008 оны Бээжингийн олимпод зориусан “Усан шоо” хэмээн нэрлэгдээд буй vндэсний усан сангийн гадна єнгєлгєєг эрчим хvчний хэмнэлттэй, байгаль орчинд ээлтэй ногоон байгууламж болгон тус барилгыг хувиргах хєнгєн тефлоноор хийжээ. Мєн усаа давхар шvvж ариутгахаар зохиогдсон усан санг халаахад нарны эрчим хvчийг ашиглах юм байна.

Тvvнчлэн борооны усыг цуглуулан нєєцлvvрт хийж, усан санг дvvргэхэд ашиглана. Бємбєлєг хэлбэр бvхий бvтээцийг нь хийсэн ган тахир хvрээнvvдээс тогтох инженерийн цогц системийг Даблины Тринити коллежийн 2 физикчийн савангийн хєєсєн дээр хийсэн бvтцийн шинжилгээнд тулгуурлан бvтээсэн байна. Энэхvv євєрмєц бvтээц нь газар чичирхийллийн ямар нэгэн хор хєнєєлийг тэсч vлдэхvйц байдлаар зохиогдсон байна.

5. Бээжин дэхь Хятадын тєв телевизийн байр

OMA/Ole Scheeren and Rem Koolhaas компаниудын зураг тєслийг нь хийсэн Хятадын тєв телевизийн барилгын дизайн нь тэнгэр баганадсан барилгад хийгддэг дизайны нийтлэг концепцийг эвдсэн бєгєєд Бээжинд баригдсан барилгуудын хэв маягийг зєрчсєнєєр тусгайлан хяналт тавихад хvргээд байгаа гэнэ. Барилгуудад байдаг инженерийн таталцлын болоод хєндлєн ачааллын стандарт систем орой, доод хэсэгтээ 90 хэм бєхийн гогцоо vvсгэсэн зєв биш хэлбэрт Хятадын тєв телевизийн барилгад vл хамаарах ажээ.

Инженерийн шийдэл нь диагональ бvтээц бvхий “хоолой”-г гаргахад чиглэгджээ. Энэхvv “ташуу” системт зєв биш хийц нь хоолойн гадаргуу дагуу хvчийг хуваарилж байгааг илтгэн харуулна. Рем Коолхаас, Оле Ширен нар зураг тєслийг нь хийж, Ове Аруп инженерээр нь ажиллаж буй Си Си Ти Ви-гийн шинэ цамхаг тэнгэр баганадсан єндєр барилга ямар байж болохыг дахин эргэцvvлэхэд хvргэж байна.

6. Бээжин дэхь хайбрид гэрэлтvvлэгтэй барилга

Steven Holl Architects компани зураг тєслийг нь хийж, Ли Ху ерєнхий архитектороор ажиллаж буй, 700 орон сууцанд 2500 айл амьдран 1.6 сая кв.фут талбай эзлэн орших тус цогцолбор нь томоохон байгууламжийн архитектур загвар болох аж. Кафе, хими цэвэрлэгээ зэргийн vйлчилгээний цэг байгуулсан 20-р давхраараа холбогдсон 8-н барилгаас бvрдэх цогцолборын дотоод температурыг хянахаар дэлхийд хамгийн томын нэгэнд орох геотермаль/газрын дулааныг ашиглах/ халаалт хєргєлтийн систем суурилуулна. Мєн хос хоолойгоор 100 м-ийн гvнээс ус шахуургадан авч барилгуудын шалны завсраар гvйлгэснээр усны эргэлтийн систем нь євєлдєє аварга том халаагуур, зундаа хєргєлтийн системийн vvрэг гvйцэтгэнэ. Дулаанаар хангах ямар нэгэн бойлер, хvйтнээр vлээх цахилгаан агааржуулагч байхгvй. Бас Бээжингийн зарим бага хэмжээний барилгуудад дєнгєж ашиглагдаж буй бохир ус боловсруулах системийг суурилуулахаар тєлєвлєсєн байгаа гэнэ.

7. Дунтань дахь Эко-сити

Shanghai Industrial investment Corp-ын бvтээн босгож буй Дунтань эко-сити нь хэмжээгээрээ Нью-Йоркын Манхэттэн дvvргийн газар нутагтай эн зэрэгцэхvйц бєгєєд эхний ээлж нь 2010 онд, бvхлээрээ 2040 он гэхэд ашиглалтад орон дэлхийн хамгийн анхны космополис болно. Тус хот нь Хєх мєрєнгийн дунд орших Хятадын гуравдахь том арал дээр босох ба Шанхайтай адил хєл ихтэй хот болох гэнэ.

2010 онд Шанхайд Экспо vзэсгэлэн яармаг нээгдэхтэй зэрэгцэн эко-ситигийн эхний ээлж ашиглалтад орон 50000 оршин суугчаа хvлээн авах бєгєєд ус цэвэршvvлэх систем суурилуулах, хог хаягдал боловсруулах, сэргээгдэх эрчим хvч ашиглах зэргээр таван жилийн тєлєвлєгєєтэйгєєр байгальд ээлтэй хотыг бvтээн байгуулна. Зам харилцааг нь урьд хєдєє аж ахуйд ашиглаж байсан газраар дамжуулан Шанхайтай холбох юм байна.

8. Бээжин дэхь Олимпийн цэнгэлдэх хvрээлэн

Спортын тэмцээн уралдаан зохиодог цэнгэлдэх хvрээлэнгvvд эртний Ромын Колизейн хэв загвараар баригдаж иржээ. Харин Бээжинд Herzog & de Meuron компанийн барьж буй Хятадын vндэсний цэнгэлдэх хvрээлэн нь сонгодог загварын хийцийг илvv байгальтай уялдуулан хийх гэсэн оролдлого, эрмэлзэл болж чаджээ.

Швейцарийн архитекторууд 91000 хvний суудалтай байгууламжид байгалийн агааржуулалт ашиглахаар шийдсэн нь єнєєгийн байдлаар бvтээн босгох “байгальд халгvй” хамгийн том цэнгэлдэх хvрээлэн болох юм. Энэ зорилгыг гvйцэлдvvлэхийн тулд шууд халхлахуйц ямар нэгэн орой дээвэргvйгээр vйл ажиллагаа зохиох боломжтой байгууламж босгох бєгєєд одоохондоо vзэгчид болон тамирчдын байрлах байрыг барьж байгаа аж.

Дизайны тал дээр гарч буй асуудлаас гарах гарцыг байгалиас эрэлхийлжээ. Цэнгэлдэх хvрээлэнгийн гадна талыг шувууны vvр мэт хийсэн байна. Амралтын єрєєнєєс ресторан хvртэлхи цэнгэлдэх дотор байгуулсан орон зай бvрийг гадна сараалжаас vл хамаарах байдлаар угсарсан нь цэнгэлдэхийг бvхэлд нь байгалийн агааржуулалттай болгоход дєхєм vзvvлсэн байна. Мєн сvлжээсэн хэлбэр бvхий экстерьерт нь vvсч буй элдэв нvх сvвийг бєглєх vvднээс тунгалаг хальсаар бvрэхээр тєлєвлєжээ.

9. Шанхайн Яншань арал хvртэл тавьсан Дунхай гvvр

China Zhongtie Major Bridge Engineering Group, Shanghai # 2 Engineering Co., Shanghai Urban Construction Group-ын хамтран бvтээн босгосон 24 км гаруй урттай, Хятадад анх удаа далай дээгvvр тавьсан 6-н зам бvхий энэхvv гvvрийг 2005 оны 12 сард албан ёсоор нээжээ. Шанхай хотыг Хятадын хамгийн анхны чєлєєт худалдааны боомт /контейнер ачиж буулгах дэлхийн хамгийн том боомт/ болох Яншань аралтай холбосон, Дорнод Хятадын тэнгис дээгvvр сунан vргэлжлэх тус дvvжин гvvр нь 2010 он гэхэд бvрэн хэмжээгээр баригдаж дуусна.

Бvс нутгийг байнга нэрвэж байдаг хар салхи, далайн давалгаанаас хамгаалах vvднээс Дунхай гvvрийг S хэлбэртэйгээр барьсан байна. “Шанхай Дэйли” сонинд тэмдэглэснээр 1.2 тэрбум ам.долларын зарлага гаргаж буй тус гvvр нь хоёрхон жилийн хугацаанд бvтээн байгуулсан Хятад болоод дэлхийн хамгийн урт далай дамнасан гvvр юм. 2008 онд 26 км гаруй урттай Ханжоу булангийн гvvр Шанхайд баригдсанаар хамгийн урт гэсэн тодотголыг авах юм.

10. Бээжин дэхь vндэсний театр

Тянь-Ань-Мэний талбайн ойролцоо 490485 кв.фут талбай эзлэн шил, титанаар баригдаж буй, 2008 онд нээлтээ хийх Хятадын vндэсний их театр хиймэл нууран дээгvvр хєвєх мэт санагдана. Эртний хэв маягийн барилга элбэгтэй Хятадын нийслэлд, Ардын баатруудын хєшєє, Ардын их хурлын их танхим, Тянь-Ань-Мэний хаалганы зэргэлдээ орших тус содон загвар бvхий барилга иргэдийн шvvмжлэлийг харамгvй хvртэж байгаа гэнэ.

Харин Францын архитектор Пол Эндрю энэ шvvмжлэлийг эс хайхран дэвшилт загвартайгаар хийжээ. Бээжингийн vндэсний их театрын гоёмсог барилга 2416 суудал бvхий дуурийн ордон, 2017 хvний суудалтай концертын танхим, 1040 хvний суудалтай театрын цогцолбороос бvрдэнэ. Шєнє болоход хагас тунгалаг бvрээс нь дотор байрласан 3 танхимын нэгэнд болж буй тоглолтыг нэвт харагдуулахаар хийсэн нь олон нийтэд зориулан хийсэн гэх мєн чанарынх нь тусгал ажээ.

Эхийг: www.uukhai.net

Ерөнхийлөгч Азийн Архитекторуудын 15 дугаар их хуралд

2009-08-24T02:39:00.000-07:00

Олон орноос хүрэлцэн ирсэн эрхэм хүндэт архитекторууд та бүхний өнөөдрийн түмэн амгаланг айлтгаж Азийн Архитекторуудын 15 дугаар их хурлын / arcasia forum 15 / үйл ажиллагаанд өндөр амжилт хүсэн ерөөе!

Хүн төрөлхтний өмнө тулгараад буй олон бэрхшээлтэй асуудал бий. Түүнээс үүдээд архитекторчдын өмнө хоёр том бэрхшээлтэй асуудал тулгарч байна гэж би хувьдаа үздэг.
Нэг дэх нь мэдээж хэрэг хотжилтын асуудал. 100 жилийн өмнө хүн төрөлхтний 25 хувь нь хотод амьдарч байсан бол өдгөө 56 хувь болжээ. Цаашдаа 75 хувь болтлоо өсөх төлөв байгааг та бүхэн мэдэж байгаа. Ялангуяа Ази тивд хотжилт маш эрчимтэй явагдаж байна.

Удаах асуудал нь цаг агаарын өөрчлөлт, дэлхийн дулаарал юм. Үүнд нөлөөлж байгаа хүчин зүйлийн бараг 70 орчим хувь нь хотжилттой холбоотой. Тэгэхээр хотжилт, барилгажилт, архитекторын шийдлийг бид зөв тодорхойлж, хөгжүүлж чадвал хүн төрөлхтний өмнө тулгамдаж байгаа дэлхийн дулаарал, цаг агаар, байгал экологийн тэнцвэрийн асуудлыг нааштай болгох боломж байгаа юм.
Манай улсын хувьд хүн амынх нь бараг тал хувь нь нийслэл хотдоо амьдарч байгааг та бүхэн ажигласан байх аа.

Дархан, Эрдэнэт болон аймгуудын төв зэрэг бусад суурин газар амьдарч буй иргэдээ тооцвол хүн амын маань бараг 70-аас илүү хувь нь хотод амьдрах болов. Жархан жилийн өмнө бидний өмнөх үеийнхэн, өвөг дээдсийн маань ихэнх нь хөдөө хээр морин дэл дээр давхисан нүүдлийн амьдралтай байлаа. Одоо ийнхүү нүүдлийн ахуйгаасаа хотын амьдралд эрчимтэй шилжиж, орчин үеийн хотын соёлын хэв ёс, шаардлагад нийцэж, зохицож амьдрана явдал монголчуудын өмнө тулгамдаж буй бас нэгэн чухал асуудал болж байна.

Тэгэхээр өнөөдөр хуралдаж буй Азийн Архитекторуудын 15 дугаар хурал нь цаг үеэ олсон төдийгүй бас Монгол Улсын нийслэлд болж байгаагаараа үнэхээр нүдээ олжээ. Ийм учраас энэ их хуралд оролцож та бүхэнтэй товчхон ч гэсэн санаа бодлоо солилцоё гэж бодсон юм. 2011 онд Япон Улсад Дэлхийн Архитекторуудын Дээд чуулга уулзалт болно. Өнөөдөр болж буй Ази тивийн Архитекторуудын Их Хурал нь тэрхүү Дээд чуулга уулзалтад угтал хэсэг нь, өөрөөр хэлбэл бэлтгэл ажил нь болж байна гэж үзэж байна.

Монголын Худалдаа Аж Үйлдвэрийн Танхимын байранд Та бүхнийг маш гайхамшигтай сайхан үзэсгэлэн гаргасныг би сонссон. Олон орны архитекторуудын болон манай монголын архитекторуудын ур ухаан цогцолсон хотжилт болоод барилгын гайхамшигтай шийдлүүдийг тэндээс харж байна гэлээ. Энэ үзэсгэлэнд бүтээлээ ирүүлсэн улс орнуудад гүн талархал илэрхийлж байна.

Манай улсын хувьд түүхэн онцлог бий. Найман зууны өмнө Монголчууд дэлхийн өнцөг булан бүрээс ирсэн орон орны болон монголынхоо урчуудын хүчээр нийслэл Хархориноо цогцлоон босгож байсан сайхан түүх бий. Найман зууны дараа Монгол Улсын хотжилтыг цоо шинээр шийдэх энэ чухал үед олон орны архитекторууд та бүхэн нийслэл хотод маань дахин цуглаад чуулан хуралдаж байгаа нь үнэхээр түүхэн ач холбогдолтой юм.

Архитекторчид гэдэг бол зөвхөн байшин барьдаг, хүнийг халуун хүйтнээс хамгаалсан оромжийн зураг гаргадаг хүмүүс биш ээ. Хотжилт, барилгажилтыг асар хурдацтай хөгжиж буй шинэ эриний шаардлагад яаж нийцүүлэх вэ? Ард иргэдийг хэрхэн эрүүл аюулгүй орчинд амьдарч, ажиллах таатай нөхцлийг бүрдүүлэх вэ? Барилга, байшинг хэрхэн бат бөх, урт настай төдийгүй уран тансаг, гоо сайхан хэлбэр, шийдэлтэй байлгах вэ? Хэрхэн байгал, экологид хор хөнөөлгүй төдийгүй ээлтэй байлгах вэ? Энэ бүхэн цогцоороо архитекторуудын ажил юм. Өнөө цагт хүн бүтээлчээр ажиллаж амьдрахыг хүсч байна. Энэ хүслийг нь биелүүлэхэд бүрэн боломж, нөхцөл олгосон тийм орчинд амьдрахыг хүсч байна. Тэрхүү орчин нь, байр сууц нь эдийн засгийн хувьд үр ашигтай, хямд хялбар шийдэлтэй төдийгүй гоё тансаг, гоо сайхан байхыг хүсч байна. Тэгэхээр энэ бүх байж боломгүй зүйлийг яаж хослуулах вэ? Эрчим хүчний хангамж, халуун, хүйтний зохицуулалт гээд шийдэхэд бэрхшээлтэй олон асуудал байна. Гэтэл үүнийг архитекторууд та бүхэн бүрэн шийдэж чаддаг хүмүүс ээ.
Хүн шийдэх боломжгүй зүйлийг бурхан шийддэг гэж бид итгэдэг.
Тэгэхээр “Архитекторууд бол бурхны бүтээдгийг хийдэг хүмүүс юм байна” гэж хэлэхийг хүсч байна. Тухайлбал, архитекторын шийдэл гэдэг ямар гайхамшигтайг Австралийн Дуурийн театрын барилгаар жишээ болгон хэлж болно. Зөвхөн Авсралийн дуурийн театрын барилгын архитекторын шийдлийг үзэхээр гадаадаас ирж байгаа жуулчдын оруулж буй хөрөнгө оруулалт нь дотооддоо олж байгаа ашгийнхаа үлэмж хувийг эзэлдэг гэж би сонсож байсан. Тэгэхээр архитекторуудын зөв шийдэл гэдэг бол улс орны эдийн засаг, тухайн ард түмний соёлын түвшин, түүхийн аугаа ололт амжилтыг хүн төрөлхтөний оюун санаанд бичиж үлдээхэд ямар чухал хувь нэмэр оруулдаг юм бэ гэдгийг харж болно.

Тиймээс “Архитекторуудын шийдэл бол боломжгүйг боломж болгож хувиргадаг урлаг юм”. “Дархан хүн бурхан ухаантай” гэж монголчууд хэлэлцдэг билээ. Энэ бол миний ард түмэн дархан, уран хүний хөдөлмөрийг гайхамшигтай онож үнэлсэн үнэлгээ юм гэж би хувьдаа боддог. Өнөөдрийн энэ цаг үед энэхүү зүйр үгийг хэлэх юм бол “Архитекторч бол бурхан ухаантай хүмүүс юм”.

Мөн улс төрийн салбарт ч, нийгмийн салбарт ч архитектор гэж нэр томъёог хэрэглэдэг. Анхдагч, шинийг санаачлагч, түүхийг бүтээгчдийг бид архитектор гэж нэрлэдэг шүү дээ. Энэ утгаар нь авч үзвэл та бүхний үйл ажиллагаа, та бүхний явуулж байгаа бизнес, ажил хэрэг бол аливаа улс орны хөгжилд хамгийн чухал, маш үнэ цэнэтэй юм.

Ер нь ирээдүйд Азийн хөгжлийг, ялангуяа Монгол Улсын хөгжлийг тодорхойлох бурхан ухаан та бүхний гарт байгаа гэдгийг онцлон хэлмээр байна. Манай Монголын архитекторууд энд хүрэлцэн ирсэн гадаадын архитекторуудаас их зүйлийг суралцах байхаа гэж бодож байна. Энэ танхимд барилга, архитектурын салбарт олон жил ажилласан монголын нэр хүндтэй ахмад архитекторууд, бас шинээр суралцаж байгаа оюутнууд ч хүрэлцэн ирсэн байна. Та бүхэн маань гадаад орнуудын мэргэжил нэгтнүүдийнхээ сайн туршлагаас суралцах нь манай улсын хөгжил, ялангуяа хотжилтын хөгжилд үнэлж баршгүй хөрөнгө оруулалт болно гэж бодож байна.

Гадаадын эрхэм зочиддоо хандаж хэлэхэд, өөр хоорондоо оюун ухаанаа уралдуулсан, бие биенээсээ суралцсан уур амьсгалаар хурлын үйл ажиллагааг улам амжилттай болгоход хүч анхаарлаа тавиарай гэж хүсье.

Та бүхнийг манай оронд хүрэлцэн ирсэн явдалд туйлын их баярлалаа.
Их хурлын үйл ажиллагаанд амжилт хүсье. .

Эхийг: www.president.mn

Архитекторууд хот болон улс төрийн сэдвээр ярилцаж байна

2009-08-22T23:32:00.000-07:00

Азийн архитекторуудын XV их хурал 2009/08/21 Төрийн ордонд эхэллээ.

Монгол Улсын Ерөнхийлөгчийн ивээл дор зохион байгуулж буй уг хурлаар дэлхийн болон Азийн архитектурын хөгжлийн чиг хандлага, бусад орны туршлагаас суралцах, орчин үеийн техник технологийн дэвшлийн талаар ярилцах аж.

Монголд анх удаа болж байгаа архитекторын их хурлыг нээж Ерөнхийлөгч Ц.Элбэгдорж үг хэллээ. Тэрбээр “Цаг үе, байршлаа олсон хурал болж байна” гэж онцлоод “Улс орны хөгжлийг тодорхойлох бурхан ухаан болоод түлхүүр та бүхний гарт байгаа шүү” мөн тэрээр оролцогчдод хандан бас “Найман зууны өмнө Монголчууд олон орны архитекторууд, Монголын уран дархдын хүчээр Нийслэл Хархориноо босгож байсан сайхан түүх бий. Өнөөдөр найман зууны дараа Монгол Улсын хотжилтыг шинээр шийдэх энэ чухал үед та бүхэн манай нийслэл хотод чуулан хуралдаж байгаа нь үнэхээр түүхэн ач холбогдолтой юм.
Өнөөдөр хотжилт, барилгын асуудал, архитекторын шийдлийг та бид зөв тодорхойлж чадвал хүн төрөлхтөний өмнө тулгамдаж байгаа дэлхийн дулаарлын асуудлыг ч мөн зөв шийдэх боломж байгаа ” хэмээн онцоллоо.

Олон улсын архитекторуудын холбооны ерөнхийлөгч Льюс Кокс “Энэ хурал архитекторуудын нийгмийн өмнө хүлээсэн үүрэг, хариуцлагыг өндөржүүлэхэд түлхэц болох байх” гэж хэллээ.

Энэ хуралд Монголын 250, БНХАУ, Энэтхэг, Бангладеш, Шри Ланка, Хонг Конг, Япон, Тайланд, Вьетнам зэрэг Азийн 17 орны 200 гаруй төлөөлөгч оролцож “Хот ба улс төр” сэдвийн хүрээнд хоёр өдөр хуралдах аж. Сонирхол татахуйц энэ сэдвийг Монголын архитекторуудын эвлэлийн ерөнхийлөгч Б.Батжав тайлбарлахдаа “Манайх хотын асуудалд улс төрийн үүднээс хандаж байгаа. Уг нь оршин суугчидтай хамаатай учраас тэд зохион байгуулалт болоод төлөвлөлтийн асуудлаа шийдэхэд оролцох учиртай. Цаашид хотын даргыг оршин суугчдын саналаар сонгох тогтолцоо зөв байх” гэлээ.

Азийн архитекторын холбоо Арказиад тус тивийн 19 орон багтдаг бөгөөд жил бүр өөрийн гишүүн орнуудыг сонгон их хурлаа зохион байгуулдаг аж.

Эxийг: www.inet.mn ; "ZIZEHTITNA"

Оюутнуудын үзэсгэлэнд тавигдсан бүтээлүүд

2009-08-22T09:37:00.000-07:00

Нийтлэл засварлагдаж байна...
Азийн Архитекторын холбооны 15-р чуулга уулзалтанд ШУТИС-ийн Архитектурын ангийн оюутнуудын бүтээлүүд бас тавигдсан байлаа...

* Эхний ажил нь 2009 онд төгссөн оюутны дипломын ажил
* Дараагийн 2 ажил нь 2р күрсийн оюутны ажилууд болно

Зурагнууд дээр дарж томруулж үзээрэй

Азийн Архитекторуудын Холбооны бүтээлийн үзэсгэлэн

2009-08-20T06:33:00.000-07:00

Азийн Архитекторуудын Холбооны 15-р чуулга уулзалт болж буйтай холбогдуулан Азийн Архитекторуудын бүтээлийн үзэсгэлэн өнөөдөр буюу 2009/08/20 өдөр нээгдлээ...

Энэхүү үзэсгэлэн дээр arcasia -аас явуулдаг уралдаанд анх удаагаа монгол улсын архитектор алтан медаль хүртлээ... Ингээд үзэсгэлэнд тавигдсан монгол архитекторуудын бүтээлүүдээс хүргэж байна. | Зурган дээр даран томруулаарай!

Үлдсэн зурагнуудыг цаашдаа нийтлэх болно.

Орд харашийн барилга ба АРХИТЕКТУР

2009-08-09T22:26:00.000-07:00

Төв Азийн нүүдэлчин аймгуудын эзэд, хаадын орд харшийг хүннүгийн үеэс эхлэн барьж байгуулах болжээ. Хүннү нар байшин, барилга барьж байгуулж байсан түүхийг Бичуриний тайлбарлан бичсэнээс үзвэл манай эриний өмнөх 57 дугаар оны үед, хаадын гэр өргөөг орд гэж анх удаа тэмдэглэсэн байна.

Түүхийн бусад сурвалж бичгээс үзвэл, хүннүгийн хаад (шаныо) орд харш барьж байгуулан, түүнийгээ өвөл зуны гэж ялгадаг байсан бөгөөд өвлийн ордондоо ноёдын бага хурал, зуны ордондоо ноёдын их хурал хийдэг байсныг тэмдэглэжээ. Мөн Сяньби, Жужан нар ноёрхох байр суурь эзэлсэн овог болж ирэхийн үед ч тэд бас л хааддаа орд харш барьж өгч байжээ. Жишээлбэл: Даньхань (Хангай) уулын бэлд Чжочеу голын эрэг дээр Таньшихай, орд харшаа бариулжээ.
Сэлэнгэ мөрний эхээр нутаглан суугч Сиеяньто омгийнхон ноёндоо орд харш барьж өгсөн мэдээ байна.
XI-XII зууны үеийн монголчуудад ч орд харшийн барилга сэлт байсан юм. Үүнд: Барх голын эрэг дээрх Хайду хааны орд харш, Хэрэйдийн Ван хааны хот балгас ба орд харш, Лунтин «Тайкал», «Тундук» зэрэг бас бус орд харш арваадыг нэрлэж болно.

Орд харгиийг барьж байгуулах яздал XIII зууны эхэн үе буюу ялангуяа монголын дөрвөн их хаадын үед ихээхэн далайцтай болжээ.
Хаадын орд харш барьж байгуулсан учраас түүний орчин тойронд хот суурин үүсдэг байв. Монгол орны нутаг дэвсгэрт жишээлбэл: Хэрлэн голын эрэг дээр «Зүүн орд», монголын Алтайд «Баруун орд» гэх зэргээр олон тооны орд харш байлаа. Хамгийн гол ордууд нь Чингис хааны дөрвөн хатны ордон байжээ. Зуны цагт монголын хаад байрладаг зуны орд харшууд байлаа. Ийм орд харшийн тоонд Шар орд, Мөнх хааны эхийн орд орно. Плано Карпини Мөнххааны эхэд бараалхсан тухай хожим бичсэн байна. Плано Карпиний бараалхаж байсан тэр орд харшийн балгасыг БНМАУ-ын Шинжлэх Ухааны академийн ажилтан О. Иамнандорж Идэр голын эрэг дээрээс олжээ. Энд 1255 онд хоёр хэлээр бичсэн бичиг бүхий занар чулуугаар босгосон хөшөө байсан нь олджэз.
XIII зууны эхэн хагас Монголын эзэн хаант улсын үед ерөнхий уран барилгач гэдэт тусгай албан тушаал байсан явдал орд харшийн барилгууд аль хир хөгжиж байсны гэрч юм. Үүнд: Чан-Чуны тэмдэглэлд Чингисийн хоёрдугаар хүү Цагаадайн ерөнхий
уран барилгач Чан-гүний тухай дурдсан байна Тэнд өгүүлэхдээ Аян дайнд их хаантай хамт явалцсан Цагаадай энд тэнд хад сэтэлж, эн тэргүүн зам тавиад, цавчмал дүнзээр дөчин найман гүүр босгосон юм- Тэдгээр гүүрээр хоёр тэрэг зэрэгцэж явж болно» гэжээ. Бас өөр нэгэн бичигт Отчигин ноёны тухай тэр дурдаж бичихдээ. «Отчигин ноён барилга барих дуртайгаараа монголчуудын дундаас ялгарч очсон газар бүхэндээ орд харш барьж, цэцэрлэг байгуулдаг байлаа » гэжээ.

Европын жуулчин Плано Карпини 1246 онд монгол газар айлчилж ирээд «Алтан орд»-ыг үзсэн тухай бичихдээ: «Хуудсан алтаар ороож, алтан хадаасаар хадсан багана-тай дээд тал, хана туурганы дотор талыг шүхэр, лавираар чимж, гадна талыг өөр эдээр бүрсэн асар байв» гэсэн байдаг. Иймээс нүүдлийн Алтан орд «Их алтан орд», «Их алтан харш» буюу «Их алтан асар» нь баяр ёслолын дайллага цайллага хийхээс гадна ирсэн зочид, гийчдийг монголын хаадад бараалхахад зориулсан хэдэн зуун хүний багтаамжтай ордон байжээ. Шинжлэн судлагчид, жуулчдын туурвисан бүтээлд нүүдлийн ба суурин орд харшийн тухай нилээд өгүүлсэн байдаг.
Монголын тулгар төрийн нийслэл Хар хорум хотод Өгөөдэй хаан 1235 онд асар том орд харш бариулсан байна. Тэр орд нь Хар хорум хотын гол орд харш болж байсан учраас хотын баруун хэсэгт тоосгон хэрмээр зааглаад «Түмэн амгалан» буюу «Ван-ань-гунь гэж нэрлэж байжээ. Мөнх хааны үед энэхүү орд харшийг үзсэн В. Рубрук бичихдээ: «Мунгу (Мөнх Д.М)-ийн Хар хорин хотын хэрмийн дэргэд манайхны сүмийн хашаа шиг тоосгон хэрэм хашаатай том орд байх бөгөөд тэрхүү том орд харшид их хаан жил бүр хоёр удаа найр хийнэ. Мөн тэнд саравч мэт урт цуварсан олон байшин байх бөгөөд тэдгээрт их хаантны идээ зоог, сан хөмрөгийг хадгалах ажээ. Цааш нь Рубрук өгүүлэхдээ: „...Би тэр ордонд байсан орос архитектор, унгар тахилч, нэг англи хүн, бас Парисын нилээд уран мастер Вильтельм зэрэг хүмүүстэй уулзав. Энэ хүн их хаанд зориулан том мөнгөн мод үйлдэж түүнийхээ ёроолд дотроо цорготой мөнгөн арслан дөрвийг хийсэн байв. Модны голд суулгасан дөрвөн хоолойг оройгоор нь гаргаад үзүүрүүдийг доош нь тахийлгаж могойн дүрс болгож алтдаад сүүлээр нь мөнгөн модныхоо голыг ороолгосон байв. Эдгээр цоргоны нэгээр нь дарс, нөгөөгөөр нь каракосмос (айраг гэсэн үг болов уу. Д.М), гурав дахиар нь бал, өөрөөр хэлбэл, зөгийн балаар хийсэн ундаан, дөрөв дэхээр нь «тиррацина» гэгч цагаан будааны шар архи гоожин гардаг байжээ. Энэхүү элдэв ундааны зуйлийг тосож авахын тулд мөнгөн модны ёроолд, дөрвөн цоргоны дор тусгай хийцтэй мөнгөн суулга тавьжээ. Модны орой дээр бишгүүр барьсан «ангель бурхны» дүрсийг Вильгельм хийжээ» гээд цааш нь бичихдээ: «Энэхүү мөнгөн мод нь орд харшийн дунд байх бөгөөд түүний хоёр хажуугаар нь хоёр эгнээ багана босгож, өмнө зүг хандсан орд харшид гурван хаалга гаргажээ. Хүн бүхэнд харагдахуйц өндөрлөсөн хоймрын суудал дээр их хаан өөрөө залрах ажээ. Хаан ширээ өөд хоёр шат налуулжээ.

Бид үлэмж сайхан зассан хашаанд орж ирэв. Тэнд газар сайгүй шуудуу татсан тул зуны цагт хашаа хүрээгээ усална. Дараа нь бид харчууд авгайчуудаар дүүрсэн нэгэн орд харшид орж, их хааны өмнө ирэхэд дээр өгүүлсэн мод маань хойно хоцорч, сав суулганыхаа хамтаар орд харшийн үлэмж зайг эзэллээ» гэжээ.
Хааны орд харш барьж байгуулах ажил ийнхүү өргөн дэлгэр болж байсан тухай Рашидаддин яруу тодорхой өгүүлэхдээ: «Хаан түүнийг (Хархорумын орд харшийг) нигүүлсэнгүй тааллаараа хаан ширээ залгах газар болгож, өөрийн бараа бологч ах дүү, хөвгүүд нартаа орд харшийн орчии тойронд тус бүр нэг сайхан байшин барих зарлиг буулгахад бүгд энэ зарлигийг дагав. Ингээд барилга байшин дуусаж жигдрэх үед тэр хар хорум маш олон барилгатай болжээ » гэсэн байна.
Дээр өгүүлсэн Өгөөдэй хааны орд харшны өнгө бүрийн гоёл чимэглэл нь төв азид ч гэсэн, алс дорнодод ч гэсэн тэр үеийнхээ архитектурт шинэ зүйл байсныг археологийн олдворууд гэрчилж байна. Ийм хэлбэрийн гоёл чимэглэл тэр үедээ монголчуудын дунд уламжлалт зүйл болж, улмаар бусад улс орнуудад тархан дэлгэрсэн бололтой. Юань улсын (монголын) ихэс дээдсийн ордны нэг Аньсиван байшинг ухаж гаргахад, уг байшингийн дээврийн чимэглэл сэлт нь Өгөөдэй хааны ордныхтой төсөөтэй байжээ.
Мөн Хар хорумынхтай адилавтар хэсэг ваар өрнөд этгээдэд, монголын жанжин Ариг бөхийн бариулсан буддийн сүмийн балгаснаас олджээ. Ийнхүү гоёл чимэглэл архитектурын шинэ шинэ хэлбэр нь XIII зууны эхээр монгол оронд үүсэн гараад, Монголын Юань улс байлдан дагуулж байсан хятад мэтийн бусад орнуудад дэлгэрсэн байна.
Хархорумыг ухаж шинжлэхэд Өгөөдэй хааны орд харшийн хучилт, дээврийн тулгуур багананы боржин чулуун суурь олдсон юм. Тэр чулуун суурийн өргөн нь 1,5 м. Уг барилгын хагархай вааран дээвэр дээр луу, арслангийн дүрс бүтнээрээ үлдсэнээс гадна одоо Улаанбаатар хот дахь улсын музейд тавиастай байгаа баримлуудынх шиг чимэглэж байсан нь мэдэгдэж байна. Мөн хар хорум үүсэхээс мянга гаруй жилийн тэртээ Ганд Харын үеийн хөшөө дурсгал шиг, ур хийцтэй эмэгтэй хүний толгойн баримал дүрс тэндээс олджээ. Бас Хархорумын эргэн тойрон тиймэрхүү хийцтэй яст мэлхий олон чулуун дүрс байсны нэг нь одоо хүртэл бүтэн үлдсэн байна. Тэр дүрсүүд эртний түүхт тэр хотын сүр хүчний билэг тэмдэг болж байжээ.
Хархорумын барилга байгууламжийн архитектур нь өөрийн үндэсний шинж чанартай байв. Энэ тухай С. В. Киселев бичсэн нь «Хархорумд бидний судалсан Өгөөдэй хааны орд харш түүх архитектурын хувьд маш сонирхолтой байв. Хэдийгээр суурь тавцан вааран дээврийн бага жижиг хэлтэрхий нь хүртэл барьж байгуулсан арга барил, янз засал, гоёл чимэглэлийн хувьд хятадын (Нанхиадын) архитектурын уламжлалт шинж чанар олныг хадгалсан атал уул барилга нь 1235 онд хятадаас хойш зүгт үүсэн гарсан урлагийн цоо шинэ зүйлийн нэг байлаа.» гэжээ. Хархорины орд харш, дуган сүмийн барилга байгууламжийн байрлалт монголын архитектурын цоо шинэ үндэс болсон бөгөөд гол ордны өмнө талд гоё хээнцэр хаалга босгож, барилга байгууламжийг хооронд нь гудмаар холбосон нь сонирхолтой.

Хажуугийн барилгуудын нүүрэн талыг гол барилгын өөдөөс харуулсан байна. Ийм зарчмыг хэрэглэснээрээ Хархорины архитектурууд орд харшийн байтууламжийг тус тусад нь саланги барьдаг хуучин зарчмаас хөндийрсөн байв. Энэ нь монгол орны хатуу ширүүн цаг улирлаас шалтгаалсан байж болох юм. Хожим нь ийнхүү барилга байгуулалтын зохион байгуулалтыг «гун-»-ны байрлалтын зарчим гэж нэрлээд бусад хот, орд харшийн байгууламж, иж бүрэн сүм хийдийн барилга барьж байгуулахад ч хэрэглэдэг болжээ.
Энэхүү байрлалтын онцлог нь хойно хойноосоо цуварсан барилгуудыг архитектурын бүхэл бүтэн чуулга болгон нэгтгэсэнд оршино. Жишээлбэл: Мин улсын үед гоё хээнцэр чимэглэсэн Бээжингийн орд харшийн нэг хэсэг нь бүр Юань улсын үе буюу монголын захиргааны үед хийсэн байрлалтыг хадгалан үлджээ. Монголын ноёрхлын үед «гун»-гийн зарчмаар Байшн-Гуал хөндийг байгуулжээ
1244-1262 онуудад Шанси мужид барьж байгуулсан Юнло гун ордны байрлалт ч дээрхийн адил юм
Өгөөдэйн орд харшийг босгоход байршилтын дээрх зарчмыг анх хэрэглэж түүнээс хойш улам хөгжүүлсээр, Хондуйн орд харшийн архитектурт бүр ч яруу тодорчээ. 1736 онд монгол оронд босгосон «Амар баясгалант»-хийдийн иж бүрэн барилгад ч мөнхүү байрлалт улам боловсронгуй болгожээ.
Энэ бүгдээс авч үзэхэд, Хар хорумд анх үүсэн гарсан орд харшийн барилга байгууламжийн байрлалтын зарим зарчим нь монголтой айл хөрш хятад мэтийн улс оронд нөлөөлөөд дараа нь буцаж монголд шарын шашны барилга байгуулалттай холбогдон дахин иржээ.
Хондуй ба Баруун Хондуйн (Хөндий гэсэн үг бололтой Д.М.) хооронд Хархираа голын эрэг дээр байгуулсан хотоос 50 км зайтай Хондуйн хотхонд хааны орд харшийн балгас буй. Тэр Балгасын тухай Г. Спасский, В. Паршин, А. Павлуцкий, А. К.Кузнецев, А.И.Уманский зэрэг хүмүүсийн бичсэн түүх археологийн холбогдолтой ном зохиолууд олон байдаг. Орд нь өрнөд, дорнод этгээддээ хос барилга бүхий хашаа хүрээний дотор байсан бөгөөд төв талбайн хойт тал нь баруун зүүн тийшээ хөндлөн барьсан гурван барилгын үлдэгдлээр хязгаарлагджээ. Орд харшийн баруун, зүүн хойноос сууцны барилгын үлдэгдэл, зүүн талаас нь чулуун доторлоготой усан сангийн ул мөр илрүүлсэн байна. Хондуйн ордонгоос зүүн тийш 3 км зайтай газар тоосго шатааж байсан бололтой. Цутгамал ваарч хийж байсан байж болох зуухны үлдэгдэл, ваарчин тоосгочдын орон сууцны ул мөр олжээ.

Шинжээч судлаачдын бичиж байгаатаар бол Хондуйн орд харш XIV зууны үеийн монголын шинэ хотуудын нэг байсан байж болох байна. Хондуйн орд харш нь Өгөөдэйн орд харшийн иж бүрэн барилга байгууламжтай төсөөтэй байлаа. Үүнийг Хондуйн товцгоос олсон бүх баримт сэлт баталж байгаа юм. Тэрхүү товцог суурингийн хэмжээ нь хойш урагшаа 200 м, баруун зүүн тийшээ 60 м тул хэмжээ байрлалтын онцлогоороо шинжээч судлаач нарын анхаарал сонирхлыг татсаар иржээ. Тэндээс олдсон боржин чулуун бурхан хоёр метр өндөр, суурь нь Өгөөдэй хааны орд харшийн суурь тавцантай адил байсныг судлагчид нотолжээ. Хондуйд хийсэн малталтаар ордны чимэгт холбогдох 124 чулуун дүрс олдсоны 102 нь луу, лууны толгой байв.
Хондуйн ордыг ногоон, шар, улаан өнгийн ваараар дээвэрлэж, заримыг улаан паалангаар пааланджээ. Энэ бүгдээс үзэхэд уг орд харш нь их хааны шадар төрлийн хүмүүсийн мэдэлд байсныг харуулж байна. Учир нь XIII-XVIII зуун хугацаанд бариулсан хаад ноёдын орд харшийн дээврийг шар, улаан ваараар чимж байсан юм.
С. В. Киселевьш бичсэнээс үзвэл, Хондуйн орд харш нь XIV зууны эцсээр, монголын тулгар төрийн хүнд бэрх жилүудэд мөхсөн байна. Тэр үед монгол орны зөвхөн хязгаар нутгийн хот суурингууд дүрэлзэн шатаж байсан төдийгүй Хар хорум ч гэсэн Өгөөдэй хааны алдар цуутай орд харшийн хамтаар эвдрэн сүйджээ.
Ингэхлээр хэрэв XIII зууны үед монголын хаадын орд харшийн барилгыг их хэмжээгээр барьж байсан бол XIV зууны сүүл-чээс эхлэн Монгол оронд дотоодын зөрчил хүчтэй болж дайн самуун дэгдээд хаад бафеодалын хагарлын үе эхэлсэн тул орд харш. хот суурин их сүйджээ.
Гэвч XVI зуунаас эхлэн орд харш барьж байгуулах ажил дахин сэргэжээ. Жишээлбэл: Туул голын эрэг дээр халхын ноён Цогтын 1601-1617 онд бариулсан орд харшийг хэлж болно. Одоо тэр ордын балгасыг Цогт тайжийн «Цагаан байшин» гэдэг болжээ. Энэ цагаан байшингийн хана, орд харшийн шатны үлдэгдэл зэрэг одоо хэвээр байна. Шат нь хоёр талаараа хашлаган бариултай байжээ.
Гол хаалганы шатыг хөх тоосгоор налуугаар гинжлэн өрж, хагас дугуй хэлбэртэй гол хаалганы хоёр туургыг тоосгоор барьсан байна.
«Цогтын цагаан байшин»-гийн бүх барилга байгууламжийг хоёр метр өндөрлөсөн чулуун суурь ба хаяавчин дээр багтаагаад нэг ерөнхий хэрмээр хүрээлжээ. «Цогтын цагаан байшин»-гийн чуулга нь дотроо хэд хэдэн сум ба бусад барилгыг багтаасан тусгай жижиг хашаа хүрээнээс бүрджээ.

Үүний дотор Цогт тайжийн эхэд зориулсан «Эхийн сүм» гэдэг нэг дуган байлаа.
Энэ дуганы хана туурганы үлдэгдлийг судалбал тоосгон өрөгт суулгаж хийсэн модон багануудтай (даацын үүрэг гүйцэтгэж байжээ) Ордны чнмэглэл болох баримлын хагархай хэлтэрхий үлдэгдлийг ажвал навч, ан амьтны хумс зэргийг зурсан байжээ. «Цогтын цагаан байшин»-гийн бүх дуган, барилгыг дамжлага холбоосоор холбожээ.
32 х 32 хэмжээний дервөлжин тоосго нь Хар хорумын барилгаас С. В. Киселевын олсон тоосготой адил хэмжээтэй нь сонирхолтой. Мөн Хар хорумын тоосготой адил энэ тоосгон дээр хүний гарын дардас байлаа. Цогтын цагаан байшингийн ойролцоо нэгэн чулуун хашаан дээр энэ ордыг барьсан дархчуудын нэрс байна. Үүнд: Бинт дархан, чимэгт дархан, Чингис аяж холч хүлэг Буйман нарын нэрсийг мөнхжүүлжээ.
XVII зуунаас эхлэн монгол орон Манжийн эзэнт улсад дагаар орж, одоогийн монгол улсын газар нутаг Сэцэн хан, Түшээт хан, Сайн ноён хан, Засагт хан аймагт хуваагдав. Эдгээр аймгийн хан тус бүрдээ орд харш бариулж эхлэхийн хамт, аймаг бүр хэд хэдэн хошуу болон хуваагдаж байсан учраас бас хошууны ноёд өөр өөртөө өргөө байгуулж эхэлсэн байна. Жишээлбэл: Сайн ноён хан Дондовдорж, Засагт хан Гомбосүрэн нар тус бүр арван хоёр ханатай гэр өргөөтэй байжээ.
Тэр үед монгол оронд (буддын шашин хүчтэй дэлгэрч байсан үе байлаа). Богд гэгээн тэргүүтэй хутагт хувилгаад сүм дуган бариулахын зэрэгцээ өргөө ба ордыг бариулдаг байв. Жишээлбэл: Их хүрээн дэх Богд гэгээний өвлийн сууц болох «Ногоон орд» европ маягийн хоёр давхар сууцны барилга ба нилээд хэдэн сүм дуган баригджээ. Түүнийг тойруулан банзан хашаа барьжээ. Мөн Богдын зуны сууцанд зориулж 1840 онд Гунгаа дэжидлин буюу «Цагаан сүм»-ийн чуулга баригдсан байна

Туулын эрэг дээр барьсан «Цагаан сүмийн» чуулга нь нилээд тохижсон байв. Үүнд: хээнцэр дамжуурган гүүрийн баруун талд тохилог зассан хашаан дотор жижиг цэцэрлэг, усан цөөрөм, амралт, зугаалгын газартай байв. Тэнд байгаа гол цагаан сүмийг хоёр давхар гоёмсог үйлджээ. Монгол оронд ардын хувьсгал ялахаас өмнөх бүх түүхийн хугацаанд зөвхөн хаад ноёд, хувилгаан баячуудад зориулан орд харш барьж байгуулж байсан бол хувьсгалаас хойш гагцхүү ард түмний ахуй хэрэгцээнд зориулсан орд харш босгох болов. Тийм шинэ агуулга хэлбэртэй барилгын зөвхөн нэг жишээ дурдахад 1926 онд барьж байгуулсан «Ардын цэнгэлдэх хүрээлэн» юм.
«Ардын цэнгэлдэх хүрээлэнгийн» архитектур бол монгол үндэсний уран барилгын уламжлалтай нягт холбоотой гэр хэлбэрийн барилга байсан. Түүнийг Улаанбаатар хотын төв дунд одоогийн Сүхбаатарын нэрэмжит талбай дээр барьсан байв. Ардын цэнгэлдэх хүрээлэнгийн байшингийн орой нь асар том бөмбөгөр хэлбэртэй бөгөөд түүнийг банзаар дээвэрлэж, төмөрлөсөн байлаа. Барилгын дотор тал баганагүй тул асар уудам зайтай байв. Хажуу талдаа жүжигчдийн өрөө, амралт. зоогийн газрын залгаа барилга байв. Бөмбөгөр танхимын захаар цонхтой, хойт талдаа тайзтай байсан. Урагшаа харсан гол хаалгын урд талд монголын ард түмний жолоодогч жанжин Сүхбаатарын дурсгалын хөшөөг босгосон байв.

Эхийг: http://wiki.ecm-outsourcing.com

Азийн Архитекторуудын Холбооны 15 дугаар Чуулга Уулзалт болно

2009-07-28T03:57:00.000-07:00

Нийгэмд үйлчилдэг Монголын анхны төрийн бус байгууллагын нэг бөгөөд 1963 онд Олон Улсын Архитекторуудын Холбоо (ОУАХ)-нд гишүүнээр элсчээ. Мөн МАЭ нь 1991 онд Азийн Архитекторуудын Холбоо (АРКАЗИА)-д гишүүнээр элссэн бөгөөд АРКАЗИА нь эгнээндээ Азийн 20-иод орныг багтаасан, дэлхийн архитектурын томоохон бүсүүдийн нэг аж.

АРКАЗИА-ийн Чуулга уулзалт болон Их хурлууд гишүүн орнуудад нь жил тутам зохион байгууллагддаг уламжлалтай бөгөөд энэ онд манай оронд АРКАЗИА-ийн 29 дэхь зөвлөлийн уулзалт болон 15-р чуулга уулзалт тохиох гэж буй тул энэхүү чуулга уулзалтад Азиар овоглосон дэлхийн шилдэг архитекторууд ирж чуулна.

Ийнхүү Азийн шилдэг архитекторууд манай оронд ирж дэлхийн архитектурын ололт амжилтыг сурталчлахаас гадна манай оронтой танилцах сайхан боломж тохиох учраас барилгын байгууллагууд үйл ажиллагаа, хийж үйлдвэрлэж буй брэнд бараа болон бүтээгдэхүүнээ дэлхий нийтэд сурталчлах бүрэн бололцоог олгож байна.

Тус чуулга уулзалтыг Монгол улсын ерөнхийлөгчийн ивээл дор зохион байгуулах тул уг хуралд их ач холбогдол өгч байгааг илтгэж байгаа юм.

ARCASIA FORUM-15

Сэдэв: City and Politics
Монголын Архитекторуудын Эвлэл (МАЭ) нь 1956 онд байгуулагдсан, Монголын анхны төрийн бус байгууллагуудын нэг бөгөөд 1963 онд Олон Улсын Архитекторуудын Холбоо (ОУАХ), 1991 оны Азийн Архитекторуудын Холбоо (АРКАЗИА)-д гишүүн болсон, эгнээндээ Монголын нийт архитекторуудын 80 гаруй хувийг багтаасан нийгэмд үйлчилдэг төрийн бус байгууллага юм.

Азийн архитекторуудын холбоо АРКАЗИА нь 1967 онд байгуулагдсан, Азийн 20-иод орны архитекторуудын зөвлөл бөгөөд дэлхийн архитектурын томоохон бүсүүдийн нэг билээ.

АРКАЗИА нь өөрийн гишүүн орнуудад жил тутам АРКАЗИА-ийн Чуулга уулзалт болон Их хурлуудыг ээлжлэн зохион байгуулдаг уламжлалтай. Энэ онд манай оронд АРКАЗИА-ийн 29 дэхь Зөвлөлийн уулзалт болон 15-р Чуулга уулзалтыг 8 дугаар сарын 17-22-ны өдрүүдэд зохион байгуулахаар төлөвлөөд байна. Энэхүү чуулга уулзалтад Ази болон дэлхийн шилдэг архитекторууд ирж чуулах болно.

АРКАЗИА–ийн Чуулга уулзалт нь тухайн цаг үед бүс нутагт тулгамдаж буй сэдвүүд,архитекторуудын шинэлэг үзэл санааг хэлэлцэн Азийн архитектур, хот байгуулалтын хөгжлийн түвшинг тодорхойлж цаашид баримтлах чигийг тогтоодог чухал арга хэмжээ юм. Энэ удаад Азийн шилдэг архитекторууд манай оронд ирж дэлхийн архитектурын ололт амжилтыг сурталчлахаас гадна манай оронтой танилцах сайхан боломж тохиож байна.

Жич: Дэлгэрэнгүй мэдээллийг 70111610, 70130638 утсаар лавлана уу
МOНГОЛЫН АРХИТЕКТОРУУДЫН ЭВЛЭЛ

Эхийг: http://antitheziz.wordpress.com

ARCasia forum15-д оролцоорой.

2009-07-27T01:21:00.001-07:00

ARCasia forum15-д Пүрэв-Эрдэнэ багшид туслаж орчуулагчаар орох оюутануудыг бүртгэж байна.
8Сарын 17-23 хооронд ARCASIA болох гэж байгаатай холбогдуулан Пүрэв-Эрдэнэ багш туслах хүн хайж байж байна. Үүнд: Англи, Япон, Солонгос... г.м аль ч орны хэлний ярих түвшний мэдлэгтэй хүүхдүүдийг бүртгэж байна /яаралтай/.
Жич:
Үүнд оролцох оюутнууд мөнгө төлөхгүй юм байна.
Хэлний түвшинг тогтоохоор IY күрсийн дарга шалгалт авна гэнэ.
Холбоо барих:
Пүрэв-Эрдэнэ /багш/ 99117504
Мөнхөө /III ангийн дарга/ 88207819

Бусад:
Үүнийг сонирхож байгаа оюутан ажилчид мөн оролцож болох бөгөөд
Оюутан 100,000₮
Бусад 200,000₮ оролцох юм байна.

Arcasia Forum15

What is Architecture?

2009-07-18T02:11:00.000-07:00

Энэ мэрэгжлийн талаар хамгийн амархан тайлбар юм болуу!

The Secret

2009-07-15T05:36:00.000-07:00

Үүнийг нэг үзээрэй... Надад лав их таалагдлаа.

Youtube дээр бүтэн эх нь байхгүй байх шиг байна. Тэглээ ч англи хэлээр болохоор ойлгоход хэцүү байх гэж бодоод орчуулгатай video-г нь татах линк-ээр орууллаа...

Нэр: the SECRET
Хэмжээ: 211.18MB
Үргэлжлжх хугацаа: 1:30:19
Видеокодек: wmv
Дүрсний хэмжээ: 320х240
Дууны үзүүлэлт: 32kHz stereo 364kbps

Дараад тат

ШУТИС-д Улаанбаатар хотоос элсэгчдийн анхааралд

2009-06-27T04:54:00.000-07:00

Улаанбаатар хотоос элсэх элсэгчид 2009.06.26 - 2009.07.04 - ны өдрүүдэд ШУТИС - ийн Элсэлтийн бүртгэлийн вэб хаягаар орж 24 цагийн турш бүртгүүлж болно

ЭЛСЭГЧДИЙН АНХААРАЛД

ЭЕШ-ын батламж тараагдах хугацаатай холбогдуулан
ШУТИС-ийн элсэлтийн бүртгэлийг 7 сарын 04-ний өдрийн 18 цаг хүртэл сунгасан болохыг мэдэгдэе.

ЭЛСЭГЧДИЙН АНХААРАЛД:

www.elselt.edu.mn сайтаар орж онлайн бүртгэл хийх явцдаа элсэлтийн бүртгэлийн хураамжыг дараах банкны картуудын аль нэгийг ашиглан зөвхөн онлайнаар хийнэ.

(Гүйлгээ 24 цагийн турш явагдаж байна)

/Жич: Элсэлтийн бүртгэлийн хураамж 4000 төг/

• ХХБанкны дотоодын Visa карт
• Улаанбаатар хотын банкны дотоодын Visa карт
• Голомт банкны дотоодын мастер болон виза карт
• Хас банкны дотоодын мастер карт
• Монгол шуудан банкны дотоодын Visa карт
• Зоос банкны дотоодын мастер карт
• Капитрон банкны дотоодын мастер карт

ШИНЖЛЭХ УХААН ТЕХНОЛОГИЙН ИХ СУРГУУЛЬД УЛААНБААТАР
ХОТООС ЭЛСЭГЧДИЙН АНХААРАЛД

ЭЛСЭЛТИЙН ҮЙЛ АЖИЛЛАГААНЫ ХУВААРЬ

БҮРТГЭЛ: 22009 оны 06 сарын 26-аас 2009 оны 07 сарын 04-ний 18.00 цаг хүртэл

Шинжлэх Ухаан, Технологийн Их Сургуулийн Элсэгчийн бүртгэлийн Вэб хаяг болох www.elselt.edu.mn хаягаар 2009/2010 оны хичээлийн жилд шинээр элсэгчдийн бүртгэл хийгдэнэ. “ШУТИС-ийн Элсэлтийн журам”-тай мөн энэхүү Вэб хуудаснаас танилцах боломжтой.

ХАР ЗУРГИЙН ШАЛГАЛТ: 2009 оны 07 сарын 06-ны өдөр 10.00 цагт ШУТИС-ийн хичээлийн 2-р байранд

1. Хар зургийн шалгалтанд ирэх элсэгчид иргэний үнэмлэх, ШУТИС-ийн элсэлтийн Вэбээр бүртгүүлэн хэвлэж авсан элсэлтийн бүртгэлийн хуудас, ерөнхий шалгалтын батламж зэргийг биедээ авч ирнэ. Аль нэг бичиг баримт дутуу ирвэл шалгалтанд оруулах боломжгүй болохыг анхаарна уу!
2. III бүлгээр хар зураг, зохиомжийн шалгалт өгөх элсэгчид шалгалтанд харандаа, баллуур, зургийн тавиур (планшейд) зэргийг бэлтгэн авчирна.
3. Элсэгчдийг 09:00 цагаас шалгалт өгөх байранд оруулж эхэлнэ.

ОНООНЫ ЖАГСААЛТ:
2009 оны 07 сарын 07-ний өдө 15.00 цагт

ХУВААРЬ СОНГОЛТ:
07 сарын 05-ны 09:00 цагаас II БҮЛЭГ - Хими 100%, Математик 50%
07 сарын 05-ны 11:00 цагаас III БҮЛЭГ - Хар зураг 100%, Математик 50%
07 сарын 05-ны 14:00 цагаас IV БҮЛЭГ - Математик 100%, Гадаад хэл 50%
07 сарын 05-ны 16:00 цагаас V БҮЛЭГ - Нийгмийн 100%, Математик 50%
07 сарын 06-ны 9:00 цагаас I БҮЛЭГ - Математик 100%, Физик 50%

Жич: Энэхүү мэдээлэл нь зөвхөн Улаанбаатар хотод явагдах элсэлтийн үйл ажиллагаанд хамаарна.
Хөдөө орон нутгаас элсэгчид “Аймаг, орон нутгаас МИДСК-ийн гишүүн их, дээд сургууль, коллежид 2009 онд оюутан элсүүлэх журам”-ын дагуу элсэнэ.

Шинжлэх Ухаан, Технологийн Их Сургуулийн ЭЛСЭЛТИЙН КОМИСС

Эхийг: http://www.elselt.edu.mn/

Арxитектурын Гэрэл зураг

2009-06-09T02:45:00.000-07:00

Хотын дадлага эхлэх гэж буйтай холбогдуулан энэхүү нийтлэлийг хүргэхээр шийдлээ...
Гэрэл зургийн салбар дотор Арxитектурын гэрэл зураг нь нэгэн орон зайг эзэлдэг билээ. Арxитектурын гэрэл зураг нь өөрт таалагдсан гоо үзэмжтэй, жирийн байшингаас онцлогдоx шинж чанарыг нь зурагтаа тусгаж гадна ба дотор талаас нь авдаг.

Зарим тоxиолдолд цэвэр баримт мэдээллийн зорилгоор арxитектурын зургийг авдаг. Уран барилгын зураг аваxад маш оновчтой өнцөг, зоxиомж дотроо динамит шинж чанартай байx ёстой. Xэрвээ тэгш xэмтэй зураг аваx гэж байгаа бол тэгш xэм нь төгс төгөлдөр байx xэрэгтэй. Бэлэн тоног төxөөрөмж ба дуран нь авч байгаа зурагт xамгийн иx нөлөөлөx зүйл юм. Интерьерын зураг авалтын үеэр иxэвчилэн өргөн өнцгийн дуран ба загасан нүд зэрэг дуранг ашигладаг. Xарин гаднаас зураг аваxад супер өргөн дуран аль эсвэл ” Tilt Shift ” 45-90мм дурангаар авна. (Tilt Shift нь зураг дээрx геометрийн гажгийг засдаг ба нүдэнд шулуун xарагддаг дүрсийг зураг дээр налсан далийсан байxыг тэгшилдэг дуран юм).

Тоног төxөөрөмжүүд:

Аппарат: SLR ба DSLR.

Дуран: Өргөн дуран, Загасан нүд, tilt shift 45-90мм.

Флаш: Гадаа дотор аваxад зориулагдсан.

Xөл: Тэгш устай, Градустай.

Алсын удирдлага.

-Түүxэнд анx Арxитектурын гэрэл зургийг дэлгэрүүлсэн xүмүүс……

Frederick H.Evans (1854-1943)

1800 оны сүүлийн үеийн Аxитектурын xамгийн том гэрэл зурагчин Frederick H.Evans (1854-1943) юм. Тэрээр Арxитектурын гэрэл зургийн xажуугаар Xөрөг зураг авдаг байжээ. F.H.Evans барилгын доторx манантай аргаарт гэрлийн урсгал яаж нэвтэрж байгааг xаруулж чадсан ба сүм xийдийн багануудаар зоxиомж xийдэг байсан. Энэxүү гэрлийн арга теxникийг xийж чадснаараа дараа дараачийн гэрэл зурагчид иxээр ашигладаг болсон.

Hendrich-Blessing

Энэ дундаас xүмүүст xамгийн иx танигдсан нь 1929 онд Чикаго xотод Ken Hendrich ба Henry Blessing-ний нээсэн Hendrich-Blessing компани юм. Одоог xүртэл энэxүү компани үйл ажилгаагаа үргэлжлүүлсээр байгаа. Hedrich-Blessing компани нь чанарыг эрxэмлэдэг байснаараа амжилтыг олж авч чаджээ. Зураг авалт дээрээ гэрлээ илүү xурц тод xэлбэртэйгээр xэрэглэдэг байсан.

Ezra Stoller

Ezra Stoller анx зураг аваx болсон шалтгаан нь New York-ийн иx сургуульд арxитектурын ангид суралцаж байxдаа өөрийн xийсэн бүтээсэн ажилаа ач тустай болгоxын тулд зураг авч эxэлжээ. 1939 онд сургуулиа төгсөөд мэргэжлээрээ биш Арxитектурын гэрэл зургаар дагнажээ.

Julius Shulman

Модерн арxитектурыг Julius Shulman-гүйгээр төсөөлөxийн аргагүй xүний нэг билээ. Модернизмийн алдартай байшин барилгын гэрэл зургийг голцуу авдаг байсан бөгөөд ном xэвлэлийн нүүр болон xуудаснаа үргэлж гардаг байжээ.

Эхийг: zizehtitnA

Эх үрсийн баяр 6/1

2009-06-01T23:49:00.000-07:00

Олон улсын хүүхдийн эрхийг хамгаалах өдөр, эх үрсийн баярын мэнд хүргэе!

Архитектор Арима Хироюки монголд

2009-05-29T06:14:00.000-07:00

Дэлхийн хэмжээнд нэр алдартай Японы архтектор Арима Хироюки нь Улаанбаатар хотод айлчилах гэж байна. Энэ жавшааныг ашиглан доорхи хувиарын дагуу Арима гуайн лекц болон барилгын талаархи чөлөөт уулзалтыг зохион байгуулах гэж байна.

Арима гуан бүтээн байгуулж буй барилгын онцлог нь тухайн бүтээлийн үзэсгэлэнтэй үзэмж дүрсний зэрэгцээ "Барилга бол хүмүүс хоорондын харилцаа холбоо юм" гэж үздэгт оршино.
Дэлхийн нөхцөл байдал ихээхэн хувьсан өөрчлөгдөж буй өнөө үед барилгын гүйцэтгэх үүрэг роль ч мөн адил ихээхэн өөрчлөгдөж, гадаад үзэмж төрх болон хэрэглээ өндөртэй байхаас гадна шинэлэг санаа, олон төрлийн хүчин зүйлсүүдийг өөртөө шингээж өгөх шаардлагатай болоод байна.
Бидний өмнөхөн айлчилан ирээд буй дараагийн эриний барилгын шинэ дүр төрхийг зөв мэдэрч, нийгэмтэйгээ уялдуулан зохицуулж, хамтран үйл хэргээ явуулахыг биднээс шаардах цаг үе ирсэн байна хэмээсэн Арима гуайн үг нь тэр чигээрээ үүний илэрхийлэл болж байгаа юм.
Тэрээр барилгын бүтээлийн зураг төсөлдөө Бизнесийн төсөл боловсруулалт болон сурталчилгааны сэтгэлгээг шинээр тусгаж өгсөн ба үүгээрээ өнөөг хүртлэх зураг төслийн хуучинсаг сэтгэлгээнээс хальж, ирээдүйн дизайн программ болон шийдлийг оновчтой уялдуулж өгсөнөөр олон тооны хүмүүс олон янзын хэлбэрээр цуглан нэгдэх тийм л орчинг барьж байгуулахын төлөө хүчин зүтгэж байгаа билээ.
Бодит биелэлээ олсон түүний бүтээлүүд нь дэлхийн олон олон ном сэтгүүлүүд дээр тавигдах зэргээр өндөрөөр үнэлэгдэж, үйл ажиллагаа нь улам өргөжин тэлж буй юм.

Цаашид барилгын салбарт төсөл хэрэгжүүлэхээр зэхэж буй болон барилгын мэрэгжилтэй та бүхнийг өргөнөөр оролцохыг урьж байна.

Лекцийн сэдэв:
Хот байгуулалт болон барилгын сэтгэлгээ

Зохион байгуулагдах огноо:
6-р сарын 4-нд 14:00-16:30 цаг

Зохион байгуулагдах газар:
ШУТИС-ийн 1-р байрны 3 давхарын Соелын төвд
Үнэ төлбөргүй

Хавсралт:
Арима гуайн товч намтар, авсан шагнал урамшуулал, зарим нэг бүтээлүүдийн танилцуулга

Hiroyuki Arima

МАЭ-ийн барилгын зураг төслийн уралдаанд шалгарсан бүтээлүүд

2009-05-27T02:37:00.000-07:00

Зурагнууд дээр дарж томруулж үзээрэй.

arcasiaforum15.com

Надаас гарах хэдэн үгс...

2009-05-19T23:14:00.000-07:00

Бид их хотын залуус гэдэгээ байнга санаж "Би монгол" "Би чингисийн удам" гэж зүгээр л нэг цээжээ дэлдэх биш, жижигхэн ч гэсэн энэ орондоо юу хийсэн гэдэгээ бодийлдо...

Хотын нүүдэлчид

Хийж байгаа зүйл гэвэл гудамжинд шүлсээ хаяж, гартаа барьж яваа хогоо хаа сайгүй байгаа газартаа л хаяж байна. (Тэгэхдээ бүх залуусийг ийм гэж байгаа юм бишлдээ) Хотын соёл гээд яриад л байдаг тэр нь энэ юм болуу? Аль эсвэл ЭРХ ЧӨЛӨӨ нь юм болуу? Эрх чөлөө гэдэг чинь уул нь хэн нэгний эрхэнд халдалгүйгээр эрхээ эдэлхийг л хэлдэг байх гэж би боддог шд... ( Миний л бодол)
Тэгвэл эх орондоо өөрийнхөө зүгээс чадах жижигхэн ч гэсэн зүйлсээ хийелдээ... Шүлсээ хаях гэж байгаа бол, нэг удаа болиод л үзэлдээ. Хогоо энд тэнд орхиод явах гэж байгаа бол бариад л явчихалдаа... Хогийн сав энд тэндгүй л байгаа. Байхгүй бол халаасандаа хийгээл явж байлдаа... Хогийн сав олдож л таараа. Чи л хотдоо хог, шүлсээ хаяхгүй байвал... Энэ мэдээг хэдэн хүн уншина тэр тоогоор энэ хотынхоо хөгжилд хувь нэмэр оруулах хүний тоо төдий чинээ нэмэгдэнэ гэж бодож байна.

М.А.Х -ны ерөнхийлөгч Б. Батжав манай сургуульд айлчиллаа.

2009-04-29T03:10:00.000-07:00

2009 оны 4 сарын 28 ны өдөр манай сургууль дээр Монголын Архитектурын холбооны Ерөнхийлөгч, arcasia байгууллагын C бүсийн дэд ерөнхийлөгч Б. Батжав зочилж бидэнд багахан хэмжээний лекц уншин мөн асар их мэдээлэл хүргэлээ... Энэ багахан лекцэнд манай тэнхимийн хэсэг оюутнууд мөн багш нар суун мэдээлэл авлаа. Үүнд би ч бас суусан юм. Ингээд энэ лекцэн дээр суун тэмвэглэж авсан багахан зүйлсээ та бүхэнтэй хуваалцаж байна.

Бидэнд өөрийнхөө талаар болон тэр үеийн сургалтын талаар эхлэн ярьсан юм.

Шинжлух Ухааны Технологийн Их Сургуульд 1974-1979 онд хоёрдугаар элсэлтийн оюутан болон сурч байсан. Тэр үед энэ мэрэгжилийн сургалт дүнгэж эхлэж басан болхоор бүх багш нар нь Орос профессорууд байсан. Намайг оюутан байхад... харин та бүхэн бол мэдээллийн эрэн үед байна. Энэ мэрэгжлийг бидний үед 10 жилийн шугам зургийн хичээл мэт ойлгодог байсан.

Таван жил суралцахад Орос багш нараас энэ мэрэгжилийн үүрэг, зорилго, итгэл үнэмшилийг эрчимтэй мэдрэх болсон.

Би нэгдүгээр арванжилийнг төгссөн. Арван жилд сурч байхдаа алтан 3 сурдаг шалгалт болонгуут 3 л авдаг, аз таарвал хааяаа нэг 5 авчихдаг хэнэггүй сурагч байсан. Оюутан болоод ч эхний улиралд энэ зангаараа л явж байсан. Харин эхний улиралын төгсгөл болоход Архитектур мэрэгжилийн зорилгыг мэдэж авснаар дадал зуршил эрс өөрчлөгдөж улиралын шалгалтуудаа бүгдийг нь онц өгч байсан. Үүрэг зорилгоо л олоно гэлэг хамгийн чухал.

Архитектур мэрэгжилийг зүгээр нэг хайнга сурч, еранхий төсөөллөөр явж болохгүй. Энэ бол нэг уралаг юм.
Уралаг гэдэг нь, дуучин бол дуугаа сэтгэлээсээ, тэр дуугаа илэрхийлж дуулах, зураач ч гэсэн тэр үеийн байдалыг өөрийн илэрхийллээр гаргахыг л хэлнэ. Үүний нэг адил Архитекторч ч гэсэн бүтээлдээ өөрийгөө илэрхийлэх ёстой. Дэлхийн том том архитекторчдын ажилийг харахад л энэ тэр архитекторын зураг байна гэж шууд хэлэгдэхүйц байдаг.
Архитектур гэдэг мэрэгжил? Энэ үгийг тайлбарлах гэснээс... юунд зориулагдаж байгааг ойлгох нь чухал.
Нэг жишээ татахад: 4х6 талбайд төлөвлөлт хийхэд энэ газар хэдий жижигхэн ч, архитектор бол энэ газарын зөвхөн байгаа талбайд бус энэ газарынхаа түвшний хувд мөн гэрэлтүүлэг зэрэгээр уг газарт төлөвлөлт хийж болохыг тооцно. Зөвхөн талбай дээр л ямар нэг зүйл төлөвлөх гээд энэ зүйлээсээ гарч чадахгүй бол Архитектор биш! Архитщкторч бол бүх боломж нөхцлийг бодох ёстой.
Мөн архитекторч бол өөрийгөө бус өрөөлийг ч гэсэн хөгжүүлж байх ёстой.

Ингээл бидэнд багахан хэмжээний лекц уншсаны дараа Мэдээлэл хүргэлээ.
Япон улс ногоон архитектур дээр дээр маш их ажиллаж байна. Энэ нь одоо маш чухал асуудал бөгөөд олоо бүр Глобал асуудал болон тавигдаж байгаа.
Мөн Японы засгийн газараас Монгол оронд нарны нрчим хүчний асуудлыг шийдэх гэж ирчихжжд байгаа.
Японы нийсдэд Токио хот зун байгалийн дундаж темпратураас ямагт +3 хэмээр халуун байдаг, энэ нь хот төлөвлөлтийн алдаатай төлөвлөлтөөс болсон байна гэнэ. Үүнээс болж Токио хотын шинэчилсэн төлөвлөлт хийж байгаа. Мөн энэ халалтаас болж барилгад ашиглах шилний норм дүрмэд өөрчлөлт оруулсан. Үүнээс болж шил нь 2 оос 3 н төрлийн өнгийн л шил гарч байгаад нь Архитектррууд ихээр дургүцэж байгаа.
Залуучуудад хандан хэлэхэд:
- Та нарт маш өргөн боломж байгаа.
- Уйгагүй мэдээлэл авч мөн солилцож байх хэрэгтэй.
- Ямарч нөхцөлд альч улс орны мэрэгжил нэгт хүмүүстэй хамтран ажилладаг байх хэрэгтэй.

Архитекторч ямарч төслийн удирдагч, хүн болгонтой ажиллаж чаддаг байх хэрэгтэй. Мөн үзэл бодлоо чөлөөтэй илэрхийлдэг, бие даасан өөрийн үзэл бодолтой байх нь чухал.
Архитекторч нийгтийн зүтгэлтэн байх ёстрой. Сүүлийн үед улс төрчид шинэ зүйл мэт гурван "П" ийн зарчим гэж их ярих болсон. Энэ нь шинэ зүйл огт биш юм. 1993 онд анх энэ зүйлийг яриж байсан юм. Энэ зарчимыг тайлбарлавал: Нийгмийн тодорхой асуудалтай хэсэгт хүрч ажиллах гэсэн утгатай юм.

Оюутанууд Их нялх явж байна. Нялх гэдэг нь ямарч хийгмийн ажилд оролцохгүй тулгамдсан асуудалд анхаарал тавихгүй байна.

Энэ оны 8 сарын 17 оос 23 хугацаанд Азийн Архитекторчдын 15 дахь Чуулган (Их хурал) Монголд болох гэж байна. Энэ бол оюутнуудад олдаж байгаа хамгийн том боломж юм. Ийм хурал хамгийн наад зах нь ойрийн 10 жилд лав болохгүй. Энэ бол миний ерөнхийлөгч болоод хийсэн зүйлүүдийн нэг юм. Энэ хуралд оюутанууд өрөгнөөр оролцох хэрэгтэй. Нэг хэсэг бүлэг болон нэрээ утастайгаа бичээд нэг удирдагчаа сонгон манай холбоон дээр ирээд бүртгүүлж болно. Холбооноос подволк малгай тарааж өгөх бөгөөд ямарч үнэ хөлс олгохгүй.
Энэ хурлын талаар:
- Хуралд 12 төрлөөр Архитекторчдын дунд шалгаруулалт явагддаг бөгөөд энэнд оролцсон бүх бүтээлүүдээр үзэсгэлэн гарна...
Энэ хурлын талаарх мэдээлийг дараа дараагийнхаа нийтлэлд тавих болно.
Илүү дэлэгрэнгүүг

ARCASIAForum 15

Ингээд миний арай гэж бичэж тэмдэглэж, санаж байн бичэсэн нийтлэл дууслаа. Жоохон найруулгын алдаа, үг үсгийн алдаа байвал ойлгоно биздээ. Би сэтгүүлч бишшдээ!!!

WA Awards winners, Circle 1

2009-04-25T04:06:00.000-07:00

World Architecture Community аас явуулдаг шалгаруулалт энэ сарыг 24нд явагдаж эхний гурван тойргийн ялагч нар тодорлоо...

Ингээд нэгдүгээр тойргийн зарим зурагнуудыг шууд үзхээр орууллаа. Үлдсэн хэсгийг болон хоёр, гуравдугаар тойрогийн зурагнуудыг доорхи хаягаар орж татаж аваад үзээрэй. Мөн дөрөвдүгээр тойргийн ялагч нар VI/30 нд тодорхнээ.

Зурагнууд дээр байгаа нэрсээр нь тухайн төслүүдийн бүрэн хэмжээний зурагнуудыг үзэж болго.

World Architecture COMMUNITY

Клубын барилга

2009-04-19T05:58:00.000-07:00

Ямар ч байсан Төсөлийн хичээл дээр хийж байгаа Клубын барилгын Самбарын ажилыг хийлээ... Энэ ажилыг нэлээд дээр л хийж байсан ажил юм шиг байна. Тэгэхдээ хэрэг болох зүйлүүд байна.

Зурагнууд дээр дарвал том хэмжээгээр харагдана.

Ландшафтын хичээлд тус болж юуны магад...

2009-04-13T23:39:00.000-07:00

Бие даалт хийхийн тулд нилээд л материал Өөрийнхөө Чадах чинээгээр цуглуулсан материалаа орууллаа... Зүгээр татаад аваад л үз!!!

нэг хүүхдийн дипломын ажил

Энд тэндээс олсон зураг

Баахан зураг, баахан мэдээлэл

Д. Чойжилжав

2009-04-11T06:32:00.000-07:00

Бичиг үсэг тайлах дугуйлангийнхныг дагаж гүйсээр бичиг сурч, улмаар Улаанбаатарт ирээд дөрөвдүгээр сургуульд орж билээ. Багш шалгаад шууд хоёрдугаар ангид элсүүлж байлаа. Гэтэл нэг өдөр “Пионерийн үнэн” сонины сурвалжлагч надаас бяцхан ярилцлага авсан юм.

Мөн ахлах ангид орсон хойноо “Пионерийн үнэн” сонинд Гайтав гуайн удирдлагад ажилладаг байлаа. Идэвхтэн бичигч гэх үү дээ” хэмээх энэ эрхмийг Д.Чойжилжав гэдэг. Москвагийн Архитекторын их сургуулийг 1964 онд төгсч ирээд Ерөнхий төлөвлөгөөний товчоонд орсноор ажлынхаа гарааг эхэлжээ. Тэрбээр Монголын архитекторчдын анхдагчдын нэг, Монгол Улсын төрийн соёрхолт, гавьяат барилгачин билээ. Ингээд түүнтэй хөөрөлдсөнөө сонирхуулъя.

-Тантай Улаанбаатар хотын ерөнхий төлөвлөгөөний тухай ярилцах нь мэдээжийн хэрэг. Харин энэ удаа сурвалжлагч байсан тухайгаас чинь яриагаа эхэлье гэж бодлоо.
-Дунд сургуулийн ахлах ангид байхдаа “Пионерийн үнэн” сонинд ажилладаг байлаа. Шүлэг биччихнэ. Шаггүй оролддог байсан юм болов уу, бусад хүүхдүүдэд тусалж, гурвалжин захиа олныг бичиж өгсөн дөө. Бас радио, текник сонирхдог байлаа. Анх удаа сонинд материал өгчихөөд их л хөөрч билээ.

-Монголын анхны архитекторчдын нэг. Сэтгэлд үлдсэн дурсамж олон биз?
-Ажилдаа дөнгөж ортол “сургуулийг нь төгслөө. Хөдөө очиж ид шидийг нь гарга” хэмээн албан томилолт өглөө. Ямар ч байсан өгсөн ажлыг нь чанартай хийгээд л ирсэн юм даг. Нэг удаа Завхан аймаг руу томилолт аваад явлаа. Миний төрсөн нутаг л даа. Завхан аймгийн бүх сум, Отгоны рашаан сувиллын амралтын газрын зургийг гаргах даалгавартай. Идэр есийн хүйтэн тачигнаж байхад очлоо.

Нэг өглөө Дотоод явдлын яамны мэргэжилтэн ирээд өвлийн хувцас авах уу гэж байна. Дагаад очтол агуулах дүүрэн төө илүү үстэй дээлнүүд. Аминд орсон доо. Богдын гол өгсөөд аймгийн цолтой, барилддаг хэдэн залууг дагуулаад Отгоны амралт руу явлаа. Цасанд суугаад барилддаг, барилддаггүй бүгд ядарч, сүүлдээ голын мөс дагаад давхичихсан. Ямар ч байсан хүрэх газраа очиж, тэндхийнхэн бөөн баяр болж билээ.

-Төлөвлөгөө гаргана гэдэг амаргүй байх даа?
-Ер нь архитекторч хүн бол симфони найрал хөгжмийн удирдаач шиг байх ёстой. Тэр олон хөгжмийн дуугаралтыг бүгдийг ялгаж мэдэж байж, тэр симфони эмх цэгцтэй сайхан сонсогддог шиг. Төлөвлөгөө гаргана гэдэг нарийн ажил. Тэр үед газрын зураг авдаг багаж хэрэгсэл дутмаг байлаа. Эрээн мод босгож байгаад дурангаар шагайгаад зогсчихно. Түүгээр газрын нам, өндөр гүдгэр бүгдийг тэмдэглэж цаасан дээр буулгана. Тухайлбал, Архангай аймгийн ерөнхий төлөвлөгөөг гаргах гэж байгаа бол гадагшаа, дотогшоо орсон зам, гүүр, орон сууцны хороолол нь хаанаа байх, цаашдаа яаж тэлж хөгжих гээд бүгдийг тусгана. Тэр ч бүү хэл энэ хороололд эмэгтэй хүн, хүүхэд төд байна гэдгийг хүртэл гаргадаг юм. Инженерийн шугам сүлжээ ч багтана.

Одоо манайхны амьдраад байгаа байр бол хоргодох байртай л төстэй. Архитектур бол хүнийг эрүүл саруул орчинд амьдрах материаллаг хэсгийг хангаж өгч байх ёстой юм л даа.

-Улаанбаатар хотын анхны төлөвлөгөөг хэдэн онд зохиосон юм бол.
-Анхны ерөнхий төлөвлөгөөг маш мэдрэмжтэй хийсэн. Монгол хүний цусанд байгалиа шүтэх, байгальтайгаа хамт амьдрах үзэл бат шингэсэн байдаг. Үүнийг энэ төлөвлөгөөнд маш нарийн зохицуулж өгсөн. 1954-1957 онд манай анхны архитекторч Чимид гуай, ЗХУ-ын архитекторч Наумовтай хамтарч зохиосон юм. Өөрөөр хэлбэл, монголчууд анх удаа хотыг төлөвлөгөөтэй хөгжүүлж эхэлсэн.

Тэр түүх их сонин. Чимид гуайг Дархан хотын архитекторч байхад нь би нэг удаа очиж уулзлаа. Тэгэхэд Улаанбаатарыг монгол уламжлалаа хадгалсан байхаар зурсан гэв. Их сонин философ. Сүхбаатарын талбай, Засгийн газрын ордонг тойроод Бага тойрууг байгуулсан нь гэр лүү орж байгаа юм шиг харагдаж байхаар бодолцжээ.

Нисэх, Их тэнгэрийн ам руу явж байгаа замыг “Та нааш ир ээ” гэсэн найрсаг зангийн илэрхийлэл маягаар байгуулснаа хэлсэн юм. Өөрөөр хэлбэл, хадаг бариад тавтай морил гэсэн утга санааг илэрхийлсэн гэж билээ. Яваандаа хот өргөжин хөгжихийн хэрээр Төв талбайгаас Богд уулын ам хүртэл цэцэрлэгт хүрээлэн байгуулахаар төлөвлөсөн байдаг юм. Хотын утаа тортог, цемент болсон орчноос өөр, амьд байгалийг хүний гараар бий болгохыг зорьсон гэсэн. Үнэхээр агуу хүн юм аа хэмээн биширч билээ. Улаанбаатарыг дээрээс нь харахад монгол гэр шиг харагдахаар зохион байгуулсан.

-2020 он хүртэл Улаанбаатарыг хөгжүүлэх ерөнхий төлөвлөгөө гарсан. Амьдралд хэр нийцсэн юм бол доо. Та ер нь сонирхож үзэв үү?
-2020 он хүртэлх ерөнхий төлөвлөгөөг гавьяат архитекторч Шархүүгээр ахлуулсан залуучууд хийсэн. Гэхдээ хуучин төлөвлөгөөг баяжуулаад өнөөдрийн утга санааг оруулаад хийсэн байгаа юм. Ерөнхий төлөвлөгөөтэй танилцсаан. Их сайхан юм байна лээ.

Сүүлийн үед барилга архитекторын улсын бодлого алдагдлаа. Орон зайн шийдэл гэж байхгүй болсон. Архитекторч улсын бодлогыг шалгаж байдаг юм шүү дээ. Ерөнхий төлөвлөгөө танигдахгүй болтлоо өөрчлөгдсөн болохоор нийслэл эмх цэгцгүй болсныг бид харж байна.

-Архтекторчид энэ үед яах ёстой вэ. Тэдний үгийг тоодог хүнгүй болчихож дээ?
-Би гайхаад байдаг юм. Ерөнхий төлөвлөгөөг мэргэжлийн хүн удирддаг юм уу, үгүй юү гэж. Хэрвээ төлөвлөгөөгөө бариад явсан бол манай хот сайхан хөгжих байсан, ямар ч асуудалгүй. Одоо бол сул орон зай болгоноор л багтах зайгүй байшин чихчихлээ.

Ерөнхий төлөвлөгөө бол бидний биенд байгаа артерийн судас гэсэн үг. Маш нарийн зохион байгуулалт. Дээр нь Монгол Улсын дэвсгэр зургийг шинэчлэх зайлшгүй шаардлагатай.

-Энэ төлөвлөгөөгөөр цаашид хөгжих боломжтой юу?
-Маш хэцүү. Хөрөнгийн эх үүсвэр хувь хүнд шилжлээ. Нэгэнт мөнгө байгаа болохоор барилга барих нь зөв. Гэхдээ мэргэжлийн хүний үгийг сонсох хэрэгтэй. 2020 он хүртэл хөгжүүлэх ерөнхий төлөвлөгөөг олон жил дуншиж байж баталсан. Батлагдахаас нь өмнө замбараагүй олон барилга барилаа. Орон зайн ашиглалтгүй болсон. Өөрөөр хэлбэл, нар үзэхгүй байна. Салхины урсгал чиг өөрчлөгдлөө. Хамгийн аюултай нь газар хөдөлбөл яах вэ. Гал усны аюулд өртвөл хэрхэх билээ. Хот төлөвлөлтийн үндсэн зарчим алдагдсан үед байгалийн гамшиг болбол нөхөж барашгүй хохирол учирна. Алдсан алдаандаа дүгнэлт хийж, гэрэл гэгээтэй том гарц олох хэрэгтэй. Айвал бүү хий, хийвэл бүү ай гэдэг дээ.

-Улаанбаатар газар хөдлөлтийн идэвхтэй бүсэд оршдог юм билээ?
-Бараг 70-80 хувь нь ийм бүсэд хамаардаг. Бид орой болгон л сүйрлийн тухай мэдээ сонсож, уншиж байна. Хойд, урд хөршид ойр ойрхон газар хөдөллөө. Зүгээр сууж болохгүй. Төрийн хар хайрцагны бодлого гэж байдаг бол одоо л хэрэгжүүлэх хэрэгтэй. Байгаль маш хүчтэй, нэг л найтаавал яах билээ.

-Гэр хорооллыг ч бас төлөвлөсөн байдаг биз. Байшин хорооллоосоо илүү гарчихлаа.
-Гудамж чинь судас гэсэн үг. Хороолол тойрсон олон замыг гаргасан нь тэр. Ерөнхий төлөвлөгөөгөө барьсан л бол өнөөдрийнх шиг болохгүй байсан. Нэг үгээр бол тэр судсыг хүчээр тасалчихаад байна.

-Нэгэнт алдагдсан төлөвлөгөөг дахин сэргээж болох уу?
-Маш хүндрэлтэй, бараг л боломжгүй зүйл. Жишээлбэл, 40, 50 мянгатын хуучин барилгуудын оронд орон зайн орчин үеийн шийдэл бүхий, газар хөдлөлтөд тэсвэртэй барилга барих хэрэгтэй. Даруйхан зохион байгуулахгүй л бол бид хоцорч байна. Өдөр өдрөөр судас нь тасарч байгаа Улаанбаатарыг харахаар үнэхээр зүрх өвдмөөр. Манай архитекторчдын хийсэн олон сайхан бүтээл бий шүү дээ. Тэрийг ашиглаж яагаад болохгүй гэж.

Нийслэл хотыг 2020 он хүртэл хөгжүүлэх ерөнхий төлөвлөгөөний хуульчлан батлагдсан техник, эдийн засгийн бодлого, архитектур хот байгуулалтын үндсэн шийдэл ноцтой зөрчигдсөн. Иймээс урьдчилан сэргийлэх тодорхой арга хэмжээ авах шаардлагатайг л хэлэх гэсэн юм.

-Дэвсгэр зургийн тухай үүний өмнө дурсаад өнгөрчихлөө. Сүүлийн үед манай орны газрын зургийг Хятадтай нийлүүлж зурсан талаар баахан шуугив. Та сонссон л биз дээ?
-Төрийн бодлогыг хэрэгжүүлэх техникийн лавлах, удирдамж болгон ашиглахад зориулан Монгол Улсын хил хязгаарын бүрэн байдал, Монгол орны газар дорх, дээрх байгалийн баялаг, хот суурин газрын бодит байгаа байдлыг харуулсан дэвсгэр зураг хэрэгтэй.

Хувьсгалын үед Монгол орны газрын зураг ямар байсан юм, тэрнээс хойш яаж өөрчлөгдөв, одоо ямар болчихоод байгааг маш нарийн гаргах хэрэгтэй. Одоо бол газар нутгийн зургийг харахаар шүдгүй хүн ул боовыг тал талаас нь мэрчихсэн юм шиг болсон. Уртраг, өргөргийн ямар ямар цэгт оршиж байна, олон улсын бүртгэлд энэ хэвээрээ байна уу үгүй юү гэдгийг ч судлах шаардлагатай. Ингэснийхээ дараа дотогш нь хумихгүй байхын төлөө л зүтгэх хэрэгтэй байна. Хүмүүс суурьшуулж болно, барилга байгууламж барьж, шав тавих нь нэг талаараа хамгаалалт юм.

Хятадууд зуун жилийн цаадахыг хардаг гэдэг. Тэд бид дэлхийг нэгтгэх ёстой гэсэн үндэсний үзлийг бий болгосон. Бүр яс маханд нь шингэсэн гэж болно.

-Тэгэхээр бид ч бас эх оронч үзлийг ярих биш бий болгох хэрэгтэй байх. Монгол л гээд бахархаад байхаас яг бид тийм гээд хэлэх зүйлгүй юм шиг санагддаг?
-Хоёр том гүрний дунд оршиж байгаагийн хувьд ухаанаар уралдах ёстой. Шарыг авахаар хайрыг ав гэж үг бий. Тэдний эерэг энергийг өөртөө ашигтайгаар тусгах хэрэгтэй. Дотроо буцалж байвч уужуу байж, ухаанаар ялах нь зөв. Гэхдээ долигоносон биш, шулуун шударгаар.

Монгол гэсэн ганц үндэстэн байвал бахархал байж болох юм. Ганцхан жишээ хэлэхэд, намайг залууд хамт ажилладаг архитекторчийг гадаадад томилолтоор явуулдаггүй байлаа. Аав нь хятад болохоор тэр. Эцсийн эцэст Монголын төлөө л зүрх сэтгэл нь цохилж байвал орос нь байна уу, хятад байна уу, америк нь байна уу, ямар хамаатай юм.

-Залуучууд энэ мэргэжлийг сонирхохгүй байх шиг?
-Мэргэжил бүхэн сайхан л даа. Ер нь мэргэжлийн хүмүүсийг түлхүү бэлтгэх хэрэгтэй. Манай улс 1960-аад оны үед эдийн засагчид олноор нь бэлдсэн юм. Одоо тэд нарыг нэг цуглуулаад доройтоод байгаа эдийн засгаа хэрхэн сэргээх талаар зөвлөвөл мөн ч сайхан юм гарна даа. Одоо ч сонсогдохгүй юм. Сургалтын систем зохиомол, амьдралаас тасархай болохоор амьдралын хөрсөн дээр бууж өгөхгүй байна.

-Зөвлөгөө авахаар хүмүүс Танд хандаж байна уу?
-Хамт ажиллаж байсан хүмүүс, таньж мэддэг зарим нь ирж уулздаг юм аа. Тэтгэврээ авах гээд очиход хүртэл асууж л байдаг. Санал солилцоно, зөвлөгөө өгнө. Бас шүүмжлэхээ мартахгүй ээ.

-Барилгын зураглал хийх захиалга авч байна уу?
-Ер нь зүгээр суухгүй шүү. Одоо Төв аймгийн Баянчандмань сумын сургуулийн зургийг хийх захиалгатай сууна.

УИХ-ын гишүүд арай олон байна уу гэж боддог юм. Зуун ямаанд жаран ухна гэж зүйр үг бий. Манайхан хаанаас ч хууль гуйхаар улс биш. Харин бид өөрсдөө агуу ард түмэн. Олон сайхан зүйр үг байна. Муухан хуулиас дээр. Нийгмийн баялаг гэдэг чинь нэг ч хүнээр илүүднэ, нэг ч хүнээр дутна. Төрийн бүтэц данхайгаад л байвал дамжлага нь ихдээд гүйцэтгэл нь муудаад байдаг жамтай. Эндээс авлига, хүнд суртал бүх юм улбаалж байна. Хүн өөрөө ийм ухаантай байж яагаад өөртөө ингэж бэрхшээлтэй юмыг бий болгоод байдаг юм. Хэрэггүй шүү дээ. Тэгж байхын оронд алдагдсан цагаа хэмнэж чадвал энэ баялаг.

Эx:

www.mongolnews.mn + Нийтлэгч: Б.АРИУНАА (2008-09-04)

http://antitheziz.wordpress.com/

Point of Reference ( Student book ) Australia

2009-04-09T03:23:00.000-07:00

Австраль улсын Архитектор мэрэгжилээр суралцаж буй оюутнуудын хэрэглэдэг гарын авлагыг орууллаа. Сонирхолтой зүйлүүд байнаа!!!

gogo_share

Архитектурын хийц элемент A.AR205 #2

2009-04-08T02:57:00.000-07:00

Энэ хүмүүс татаж авч чадахгүй байгаа юм шиг байна. Лекцүүдийг бүгдийг нь нэг болгож орууллаа.

rapidshare

gogo_share

4shared

World Architecture COMMUNITY

2009-04-04T07:08:00.000-07:00

Дэлхийн булан бүрт Архитектурын мэрэгжилээр суралцаж байгаа оюутнууд хоорондоо, байгаа газраасаа л өрсөлдөх болжээ. Яагаад бид ч энд хөл нийлүүлэн алхаж бүр тэргүүлэгчдийн эгнээд байж болхгүй гэж?

Таныг World Architecture Community –ийн зохион байгуулдаг Шилдэг Бүтээлийн Уралдаанд оролцохыг урьж байна.
Ил тод нээлттэй орчинд нэр төр биш, сэтгэлгээ хэмжүүр болдог. Өмнөх уралдаануудад нийт 13 оюутны бүтээл шалгарч Charles Correa, Norman Foster, Wolf D. Prix and Odile Decq зэрэг мастеруудтай мөр зэрэгцэн үнэлэгдэж байна.

WA Awards-д тэргүүлсэн оюутан залуус:

Adela Ciurea
Alba Duarte
Anand Mata
Brimet Silva
Filipe Magalhães
Ioannis Perisoratis
Luis Loureiro
Luis Vale
Rolando Rojas
Seungteak Lee
Shane Tan
Vigneswar V.S.
Wellington Costa Lima

Орж бүртгүүлээд эдгээр нэрээр тэргүүлсэн төслүүдийг үзэж мөн өөрийн хийсэн бүтээлээ оруулах болмжтой.

World Architecture COMMUNITY

Salon interior 2007

2009-04-03T23:31:00.000-07:00

SALON interior 2007 сэтгүүлийг орууллаа. Энэ нь Гончигоо багшын маань үзүүлээд байдаг сэтгүүлүүдийн нэг юм аа...

Татаад аваарай.

Rapidshare

mearc блог удахгүй v.2 хувилбартаа шилжинэ.

2009-04-02T08:25:00.000-07:00

Удахгүй блог маань v.2 хувилбартаа шилжих гэж байна. Удахгүй засвар дуусна.

Архитектурын хийц элемент A.AR205

2009-03-31T06:54:00.000-07:00

Хийц элемент хичээлийн лекцүүдийг орууллаа... Хэрэгтэй байгаа лекцээ татаад аваарай.

Лекц 1

Лекц 2, 3

Лекц 4

Лекц 5

Лекц 6, 7

Лекц 8

Лекц 9

Лекц 10

Лекц 11

Лекц 12

Лекц 13

Лекц 14, 15

Лекц 16

Рестораны норм дүрмүүд

2009-03-31T06:17:00.000-07:00

Рестораны норм дүрмүүд орууллаа... Ресторан ч гэлтгүй жижиг кафе гал зуух зэрэгт хэрэглэж болохүйц зүйлүүд байна. Татаж аваад хэрэгтэй зүйлсээ олж хараарай.

Одоохондоо татах хаяг байхгүй байна... удахгүй орно!!!

Татах

MARKER - аар хийсэн сонирхолтой ажилууд #2

2009-03-27T06:00:00.000-07:00

Өмнө хийсэн ажилуудын үргэлжлэл болгож сонирхолтой зурагнууд орууллаа...

MARKER-н ажил, MARKER-аар хийсэн сонирхолтой зурагнууд

2009-03-25T05:59:00.000-07:00

Архитектурын графикийн нэгэн төрөл болох MARKER-н ажилуудын жишээ интерьерийн зурагтай Architectural Color Renderings by MARKER PENS номны зурагнуудыг татаж авхаар орууллаа.

Мөн сонирхолтой MARKER аар хийсэн машинуудын зурагнууд орууллаа.

Architectural Color Renderings by MARKER PENS номыг Татах дээр дарж татаж авна уу!

Татах

Гоёмсог зурхний зурагнууд

2009-02-09T00:35:00.001-08:00

Валентинийн баяр болж байгаа болхоор энэхүү знрхний зурагнуудыг оруулахаар шийдлээ...

Хажууд нь мөн "URL" буюу hi5 болон түүнтэй төстэй хаягуудад comment маягаар явуулах боломжтойгоор байрлууллаа.

Та хэрэв хүнд илгээх гэж байгаа бол доод талд байгаа хэсэгийн URL-г copy хийхэд л хангалттай.

Зураган дээр дарвал зураг өөринхөө хэмжээгээр томорч харагдах болно

URL:

http://img89.imageshack.us/img89/1585/chockolateheartvl4.png

URL:

http://img519.imageshack.us/img519/5485/erosandlovesworldtk3.png

URL:

http://img519.imageshack.us/img519/3476/grungeheartdesignke8.png

URL:

http://img519.imageshack.us/img519/1066/grungevalentinesbr8.png

URL:

http://img519.imageshack.us/img519/484/heartlv6.png

URL:

http://img519.imageshack.us/img519/3001/heartofflowersfy9.png

URL:

http://img519.imageshack.us/img519/1285/heartofheartssz5.png

URL:

http://img519.imageshack.us/img519/5148/heartofheartsrn7.png

URL:

http://img519.imageshack.us/img519/8546/heartroselk5.png

URL:

http://img519.imageshack.us/img519/4348/loveisallaroundaa5.png

URL:

http://img519.imageshack.us/img519/6583/lovestarsheartac4.png

URL:

http://img142.imageshack.us/img142/8315/puzzleheartyo5.png

URL:

http://img142.imageshack.us/img142/7504/rosetj1.png

URL:

http://img142.imageshack.us/img142/4807/skullheartpa9.png

URL:

http://img142.imageshack.us/img142/5829/valentinesdaybv5.png

URL:

http://img142.imageshack.us/img142/9392/valentineshearttg8.png

URL:

http://img142.imageshack.us/img142/854/valentinesheartoi9.png

URL:

http://img142.imageshack.us/img142/9527/venusandmarsot0.png

Гэгээн Валентин

2009-02-05T07:00:00.000-08:00

Жил бүрийн 2-р сард дэлхийн даяараа Гэгээн Валентины баярыг өргөн тэмдэглэдэг. Сүүлийн жилүүдэд манай залуучууд ч энэ баярыг өргөн тэмдэглэж, хосууд бие биедээ бэлэг дурсгалын зүйлс өгдөг. Тэгвэл Гэгээн Валентин гэж хэн бэ?

Жил бүрийн энэ баяраар цэцэг, чихэр болоод онцгой бэлгүүдийг хосууд бие биедээ өгч, ариун хайрын сэтгэлээ илчилдэг. Харин энэ 2-р сарын 14-ний өдрийн Гэгээн Валентины баяр хэмээн нэрийддэг билээ. Тэгвэл Гэгээн Валентин гэж хэн бэ? Түүх сөхөж үзвэл энэ талаар гурван янзын өөр домог, үлгэр байдаг.

1-р түүх: 3-р зууны үеийн Ром хотноо Валентин хэмээгч нэгэн лам байсан. Гэтэл тэр үеийн захирагч хаан Claudius II ганц бие эрчүүд гэрлэж, эхнэр хүүхэдтэй болсноос цэрэг болсон нь дээр хэмээн тооцжээ. Тиймээс тэрээр энэ талаар хууль гаргаж. Харин сайхан сэтгэлт Валентин лам дурлалт хосуудын нууцаар адисладаг байсан аж. Энэ хэрэг нь илэрч, хаан ч ламыг цаазалсан бөгөөд үүнээс хойш Валентин ламын дурсгалыг хүндэтгэн уг баярыг нас барсан өдрөөр тэмдэглэдэг болжээ.

2-р түүх: Ромын харгис шоронд тамлагдаж, зовсон Христ шашинтнуудад туслаж бай үеэрээ Валентин алагдсан. Иймээс Христ шашинтнууд түүний дурсгалыг хүндэтгэн уг баярыг үндэслэсэн.

3-р түүх: Валентин хамгийн анхны ил захидлыг өөрөө бичсэн гэдэг. Тэрээр шоронд байх үеэрээ өөрийг нь хорисон хүний залуухан охинтой хайр сэтгэлийн холбоотой болсон ажээ. Охин Валентиныг цаазлуулхаас өмнө ирж уулзсан агаад Валентин үхэхээсээ өмнө охинд нэгэн захиа илгээжээ. ?үндээ "Чиний Валентинаас" хэмээн гарын үсгээ зурсан байсан. Энэ үгийг одоо хүртэл ил захидал дээр хэрэглэдэг гэнэ.

Уг гурван түүхээс эхний түүхийг хамгийн бодитой хэмээн хүмүүс итгэдэг юм. Гэгээн Валентины баяр дэлхийн олон оронд өргөн дэлгэр тэмдэглэгддэг бөгөөд 17-р зууны үеэс Америк, Англи улсууд энэ баярыг тэмдэглэж эхэлжээ. Одоогоор Америк, Англи, Франц, Австрали, Канад, Мексик зэрэг улсад маш өргөн тэмдэглэгддэг. Ил захидлын холбооны судлагаагаар жил бүр энэ баяраар нэг тэр бум ил захидал илгээгддэг ажээ.

Дэлхийн зарим орнууд энэ баярыг хэрхэн тэмдэглэдэгийг сонирхуулья

Энэ баяраар хүн өөрийн онцгой, зүрх сэтгэлийг булаасан хүндээ захидал, ил захидал, цэцэг, шоколад зэргийг бэлэглэдэг юм. Харин ёс заншил болоод бусад соёлоосоо шалтгаалаад зарим орнууд арай өөр тэмдэглэдэг юм байна.

Америк
Энэ баярыг 17-р зууны үеэс гаралтай гэж үздэг. Харин зарим хэсэг нь 19-р зууны эхэн үед ирж суурьшсан Англичууд энэ баярыг авчирсан хэмээдэг. Одоо энэ баяр тус улсын томоохон тэмдэглэлт өдөр болсон бөгөөд энэ баяраар хүмүүс бие биедээ хайр сэтгэлээ илэрхийлж, мөн зарим нэгэн нь хүндэтгэлээ илэрхийлдэг байна. Харин хамгийн чухал бэлэгт ил захидал, шоколад, сарнай зэрэг тооцогддог. Ихэнхдээ эрэгтэйчүүд нь эмэгтэйчүүддээ бэлэг өгдөг.

Канад
Уг баярыг орон даяар маш өргөн тэмдэглэж, үдэшлэг зохиодог байна. Мөн дурлалт хосуудаас гадна цэцэрлэг, сургуулиуд үдэгшлэг зохиож, гараар хийсэн Валентины бэлэг солилцдог. Энэ үеэрээ тэд ил захидал, шоколад, сарнай, чихэр зэргийг бэлэглэдэг.

Англи
Тус улс нь Гэгээн Валентины баярыг хамгийн өргөн дэлгэр тэмдэглэдэг орон. Анх 14-15-р зууны үед үүссэн хэмээн тооцогддог. Хайртай хүндээ сэтгэлээ илэрхийлж, хамгийн онцгой гэсэн бэлгийг дурсгадаг. Хүүхдүүдээр мөн дуу дуулуулж, чихэр өгдөг юм байна. Мөн энэ баярт зориулсан маш олон шүлэг, дуу байдаг.

Япон
Энэ баярыг тун өвөрмөц, хоёр янзаар тэмдэглэдэг. 2-р сарын 14-нд эмэгтэйчүүд нь хайртай залуудаа бэлэг өгдөг. Харин эргээд 3-р сарын 14-нд White Day / Цагаан өдөр/ хэмээн нэрлэж эрэгтэйчүүд нь эмэгтэйчүүддээ бэлэг өгдөг байна. Японд Валентины баяраар эмэгтэйчүүд нь эрэгтэйчүүддээ шоколад бэлэгдэг заншилтай. Энэ баярыг сүүлчийн 20 жил идэвхтэй тэмдэглэж байгаа

ШУТИС-н Архитектур, зураг зүйн салбарын тухай

2009-02-05T05:02:00.000-08:00

Тус салбар нь 1964 оноос эхэлж инженерийн ангийн оюутнуудад барилгын төлөвлөлтийн үндэс, хар зураг, архитектурын хийц зэрэг хичээл зааж эхэлснээр архитектурын ухааны үндсийг сургалтаар олгох анхны суурь тавигдсан. 1973 онд Архитектурын тэнхим бие даан байгуулагдсан. 1974 оноос тэр үеийн ЗХУ-ын мэргэжилтэн багш доктор, профессор багш нар ирж сургалтын үйл ажиллагаа, багш лах боловсон хүчнийг хөгжүүлэхэд чухал хувь нэмэр оруулсан. 1980-аад он гэхэд үндэсний мэргэжлийн багш нараар үндсэндээ хангагдаж үйл ажиллагаагаа бие даан явуулах болсон.

Багш нар:
Дэд профессор: Ишжамцын Гончигбат
Архитектурын салбарын профессор

Архитектур, хот байгуулалтын баг

Багийн бүрэлдэхүүн:
Тэргүүлэх профессор М.Оргил (Ph.D), Зөвлөх профессор Ч.Дагшигдорж (Ph.D), Дэд профессор Ж.Гомбо (Ph.D), багш Б.Мандах (магистр), багш А.Өэлүн (магистр), багш Н.Нарантуяа (магистр), А.Цэцэнчимэг( Х/т.ажилтан) нарын бүрэлдэхүүнтэй ажиллаж байна.
Бэлтгэж төгсгөдөг мэргэжил: Хот төлөвлөлтийн архитектор

Үндсэн чиглэл:
*Хот төлөвлөлт архитектур чиглэлээр бакалавр, магистр, докторантын сургалт явуулах
*Бакалаврын хөтөлбөрт 126 кj цагийн хичээл
*Магистрын хөтөлбөрт 36 кр цагийн хичээл
*Докторын хөтөлбөрт 60 кр цагийн хичээл
Зорилго:
Хот байгуулалтын архитектур төлөвлөлт чиглэлээр өндөр мэргэжил боловсролтой орчин үеийн хэрэгцээ шаардлагыг хангах чадвартай боловсон хүчин бэлтгэх.

Иргэний барилгын архитектурын баг:

Багийн бүрэлдэхүүн
Тэргүүлэх профессор И.Гончигбат (Ph.D), Зөвлөх профессор Ч.Дагшигдорж (Ph.D), Дэд профессор Л.Пүрэв (Ph.D), ахлах багш Э.Пүрэв-эрдэнэ (магистр), багш Д.Болормаа (магистр), туслах багш С.Амгалан (магистр), туслах багш Ш.Энхтунгалаг (магистр) нарын бүрэлдэхүүнтэй ажиллаж байна.
Бэлтгэж төгсгөдөг мэргэжил: Иргэний барилгын архитектор

Үндсэн чиглэл:
Иргэний барилгын архитектур чиглэлээр бакалавр, магистр, докторантын сургалт явуулах.
Бакалаврын хөтөлбөрт 126 кр цагийн хичээл
Магистрын хөтөлбөрт 36 кр цагийн хичээл
Докторын хөтөлбөрт 60 кр цагийн хичээл
Зорилго:

Иргэний барилгын архитектур чиглэлээр өндөр мэргэжил боловсролтой орчин үеийнхэрэгцээ шаардлагыг хангах чадвартай боловсон хүчин бэлтгэх.

Эхлэл

2009-01-30T23:24:00.000-08:00

Өнөөдөр анхнийхаа нийтлэлийг бичэж байна.
Энэхүү блог нь Монголд Архитектурын мэргэжилийг сонгон суралцаж байгаа суралцах гэж буй оюутануудад мөн Архитектурын мэргэжилийг сонирходог бүх хүнд зориулагдав.

Блогийн зорилго нь Шинжлэх ухаан технологийн их сургуулийн Барилга инженер архитектурын салбарын Архитектурын тэнхимийн үйл ажиллагаанууд болон салбарын хичээлүүдийн заавар, жишээ, хүмүүсийн хийсэн ажил зэрэгийг нийтлэх болноо. Мөн та юу хайж юуны талаархи зөвлөгөө авах болон ямар ажилын жишээ хайж байгаагаа доорхи сэтгэгдэлд үлдээгээрэй...
Ингээд эцэст нь: Монголийн архитектур дэлхийд танигдаасай